សំណាងហួស ខណៈប៊ិះក្ស័យសង្ខារ ព្រោះចម្រឹងដែក ចាក់ដោតដើមទ្រូង ខ្វះបន្តិចប៊ិះចំ បេះដូង

ព័ត៌មានអន្តរជាតិ ៖ ក្មេងប្រុសដែលជាសិស្សសាលា  ឈ្មោះ Josh Hassan វ័យ ១២ ឆ្នាំត្រូវបានរកអោយឃើញថា ពិតជាមានសំណាងហួស ខណៈពេលដែលគេមិនបានស្លាប់បាត់បង់ជីវិត បន្ទាប់ពីឡើងទៅលើរបងបំណងទៅយកបាល់ត្រលប់មកវិញ តែសំណាងអាក្រក់អីបែរជារអិល និងចុងចាក់ដោត ជាប់នឹងចម្រឹងដែកទៅក្នុងដើមទ្រូង  ប៊ិះដោតចាក់ចំបេះដូង នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស ដឹមីរ័រ ។

គួរបញ្ជាក់ផងដែរថា  ករណីខាងលើនេះ  បានកើតឡើងកាលពីថ្ងៃអង្គារកន្លងទៅ នៅទីក្រុងឡុងដ៍    ប្រទេសអង់គ្លេស  ។  ភ្លាមៗនោះពិតជាបាន​  បង្កជាភាពភ្ញាក់ផ្អើលជាខ្លាំង  ខណៈពេលដែលក្មេងប្រុសរូបនេះ  បានស្រែកហៅជំនួយ។ ស្រ្តីជាម្តាយ វ័យ ៣០ ឆ្នាំឈ្មោះ Dawnរួមទាំងអ្នកជិតខាងផ្សេងទៀត    ក៏បានស្ទុះមកជួយគេ  ខណៈពេលដែលមួយរំពេចក្រោយក្រុមជួយសង្គ្រោះបានមកដល់។

បន្ទាប់ពីបើកយុទ្ធនាការ  ក្នុងការវះកាត់អស់ជាច្រើនម៉ោង  ពីសំណាក់ក្រុមវេជ្ជបណ្ឌិតមកពីមន្ទីរពេទ្យ Royal Free Hospital  ក្នុងទីក្រុងឡុងដ៍ ការវះកាត់មួយនេះ ពិតជាទទួលបាននូវជោគជ័យជាស្ថាពរ ។  ដោយឡែក  អ្វីដែលជាភាពភ្ញាក់ផ្អើលនោះគឺថា ក្មេងតូចរូបនេះ ត្រូវបានគេហៅថា ជាកូនទាហានតូច ខណៈពេលដែលគេមិនបានស្រែកយំអ្វីនោះទេ នៅពេលដែលកើតមានគ្រោះថ្នាក់មួយនោះ ផ្ទុយទៅវិញ ស្រ្តីជាម្តាយវ័យ ៣០ ឆ្នាំ បែរជាយកបំណែកចម្រឹងដែក ដែលបានមកពីការវះកាត់នោះ ទុកធ្វើជាអនុស្សាវរីយ៍ទៅវិញ៕

ដោយ ៖ រិទ្ធីប្រភព ៖ ដឹមីរ័រ