ព័ត៌មានបច្ចេកវិទ្យា ៖ តាមការអោយដឹងពីទំព័រសារព័ត៌មានបរទេស ដេលីម៉ែល បានបញ្ជាក់អោយដឹងថា សេចក្តីប្រកាសអាសន្នត្រូវបានធ្វើឡើង ទាក់ទិនទៅនឹងទូរទស្សន៍ Samsung ' sSmart TV ដោយអ្នកជំនាញខាងប្រព័ន្ធសុវត្ថិភាពបញ្ជាក់ថា រាល់ព័ត៌មានលំអិតដែលមាននៅលើ Smart TV អាច Hack បានយ៉ាងងាយ ប្រសិនណា បើពួក Hacker បានបំពាក់ ក៏ដូចជា Install នូវកម្មវិធី Malicious Software ។
លើសពីនេះទៅទៀត អ្នកជំនាញខាងប្រព័ន្ធសុវត្តិភាព មកពីសហគ្រាសគាំពារប្រព័ន្ធសុវត្ថិភាពបន្ថែមអោយដឹងថា ពួក Hacker អាចមើលព័ត៌មានលំអិត ដែលបានរក្សាទុក ក៏ដូចជាកំណត់ទុកនៅលើ Smart TV ស្របពេលដែលទិដ្ឋភាពរួមនៅក្នុងបន្ទប់ទទួលភ្ញៀវក៏អាចមើលឃើញបានដែរ តាមរយៈការតំលើងនូវ Device's Build-in Camera and Microphone ។
គួររំឭកផងដែរថា តាមរយៈការតំលើងនូវ Malware ពួក Hacker អាចវាយឡុកនូវព័ត៌មានលំអិតក៏ដូចជាមើលនូវទិដ្ឋភាពរួម នៅពីមុខកញ្ជក់ទូរទស្សន៍បាន ខណៈពេលដែលការប្រើប្រាស់អ៊ិនធើណែត , ប្រព័ន្ទទំនាក់ទំនងសង្គម ក៏ដូចជា ការលេងហ្គេមអនឡាញ ក៏អាចធ្វើទៅបបានផងដែរ។
មិនត្រឹមតែប៉ុណ្ណោះ ស្របពេលដែល Smart TV ធ្វើការភ្ជាប់ទៅអ៊ិនធើណេតវាគឺជាឧកាសមួយដែលពួកHacker ឆ្លៀតឧកាសក្នុងការចាប់យកនូវទិន្នន័យ និងរាល់ Files ទាំងឡាយណាដែលបាន Stored ទុកនៅទីនោះ៕
ដោយ ៖ ពិសិដ្ឋប្រភព ៖ ដេលីម៉ែល