សហរដ្ឋអាមេរិក ៖ មូលហេតុ ដែលបានបណ្តាលអោយស្រ្តីជាម្តាយកូនពីរ ស្លាប់បាត់បង់ ជីវិត ទំនងមកពីការចាក់ថ្នាំ ដែលបានផ្តល់ដោយលោកវេជ្ជបណ្ឌិត បន្ទាប់ពីមានការវះកាត់ គូថ តែទោះជាយ៉ាងណា មកទល់នឹងពេលនេះ ករណីមួយនេះ ក៏កំពុងស្ថិតនៅក្រោមការ តាមដានស៊ើបអង្កេតនៅឡើយ របស់ក្រុមមន្រី្តជំនាញ មកពីរដ្ឋ Florida នេះបើតាមការ អោយដឹង ពីគេហទំព័រសារព័ត៌មានបរទេសអាស៊ីវ័ន ដែលទើបតែបានចេញផ្សាយកាលពី ពេលកន្លងទៅនេះ។
យ៉ាងណាមិញ បើយោងតាមរបាយការណ៍ដែលបានផ្តល់ដោយ Fox News Latino អោយ ដឹងថា ស្រ្តីជាម្តាយកូនពីររូបនេះ មានឈ្មោះ Suyima Torres វ័យ ២៨ ឆ្នាំ បានស្លាប់បាត់ បង់ជីវិត កាលពីថ្ងៃទី ១១ មេសា កន្លងទៅ បន្ទាប់ពីទទួលការវះកាត់គូថ បរាជ័យ ស្រប ពេលដែលនាងបានចំណាយលុយដល់ទៅ ២,៣០០ ដុល្លារ សម្រាប់និតិវិធីក្នុងការវះកាត់មួយនេះទៅអោយគ្លីនីក Cuerpos Health and Aesthetics ។
យ៉ាងណាមិញ បើយោងតាមសម្តីសាក្សីអោយដឹងថា លោកស្រី Suyima Torres បានស្លាប់បាត់បង់ជីវិត នៅឯមន្ទីរពេទ្យ បន្ទាប់ពីនាងខ្ញុំ បានបញ្ជូនគាត់មកកាន់ទីនេះ ខណៈពេលដែលឃើញនាងដួលសន្លប់ នៅឯផ្សារទំនើប ស្របពេលដែលមានអាកាសធាតុក្តៅហែង ។
តែទោះជាយ៉ាងណា ក្រុមមន្រ្តីជំនាញ ក៏កំពុងចេញប្រតិបត្តិការ ក្នុងការតាមដានស៊ើបអង្កេតរបស់ខ្លួន ដោយនឹងមានការសាកសួរ ពីម្ចាស់គ្លីនីក Cuerpos Health and Aesthet-ics បន្ទាប់ពីមានការបដិសេធ មិនចូលខ្លួនមកបំភ្លឺរឿងក្តីមួយនេះ៕
ដោយ ៖ ពិសីប្រភព ៖ អាស៊ីវ័ន