អ្នកជាបុរសដែលចូលចិត្តនារីដែលមានអាយុច្រើនខ្លួនមែនទេ? តើស្ដ្រីដែលមានវ័យចំណាស់បែបនេះ មានអ្វីអស្ចារ្យជាងនារីវ័យក្មេង ស្រស់ស្អាត? សូមតាមដានដូចខាងក្រោម។
ស្ដ្រីវ័យចំណាស់ មានភាពឯករាជ
ស្ដ្រីវ័យចំណាស់ ធ្លាប់ឆ្លងកាត់អារម្មណ៍ល្អ នៅពេលនៅម្នាក់ឯង។ ពួកគេធ្លាប់ឆ្លងកាត់ស្នេហាច្រើនប្រភេទ ដូច្នេះ ពួកនាងនឹងមានវិធីធ្វើអោយខ្លួនឯងរីករាយ មិនចាំបាច់អោយបុរសនៅក្បែរខ្លួនជានិច្ចនោះទេ។ ពួកនាងដឹងថា សេចក្ដីសុខស្ថិតនៅក្នុងដៃរបស់ខ្លួន និងមិនចាំបាច់មានបុរសណាម្នាក់នៅក្បែរ ទើបអាចធ្វើអោយមានសុភមង្គលនោះដែរ។
ស្ដ្រីដែលមានអាយុច្រើននឹងមិនមានចរិតម្ញិកម្ញក់ ឬខឹងច្រើន ដែលជាកត្តាមួយធ្វើអោយបុរសធុញទ្រាន់ បែបនេះបុរសនឹងចូលចិត្តមិនខាន។
ភាពម្ចាស់ការ
ស្ដ្រីវ័យចំណាស់ តែងដឹងច្បាស់ថា ខ្លួនជាអ្នកណា និងចង់បានអ្វី។ ដូច្នេះ នៅពេលជួបបុរសដែលត្រូវនឹងចិត្តខ្លួនពួកនាងនឹងមិនអែអង់ ឬក៏សាកល្បងច្រើននោះដែរ។
ពូកែនិយាយ
ការនិយាយស្ដីរបស់នារីវ័យក្មេងក្នុងរឿងស្នេហា ធ្វើអោយបុរសមិនសូវចូលចិត្តនោះទេ។ ពួកនាងមិនមានភាពប្រសប់ក្នុងការនិយាយ ដោយសារតែមិនទាន់មានបទពិសោធច្រើន។ ចំណែកនារីវ័យចំណាស់ នាងធ្លាប់បានឆ្លងកាត់រឿងរ៉ាវច្រើន ធ្លាប់ដើរច្រើន ឃើញច្រើន យល់បានច្រើន និងមានបទពិសោធច្រើនក្នុងរឿងស្នេហា។
សេដ្ឋកិច្ចមានស្ថិរភាព
ស្ដ្រីដែលមានអាយុច្រើន មានលទ្ធភាពក្នុងការធ្វើអោយសេដ្ឋកិច្ចមានស្ថិរភាពជានារីវ័យក្មេង។ ទោះជាប្រការនេះមិនមែនជាកត្តាអទិភាពដំបូងគេនៅពេលបុរសម្នាក់តាមស្រឡាញ់នារីម្នាក់នោះទេ ប៉ុន្ដែវាប្រាកដណាស់ថា បុរសនឹងមានអារម្មណ៍ធូរស្រាលនៅពេលដឹងថាខ្លួននឹងមិនមែនជាអ្នកត្រូវចេញប្រាក់ទាំងស្រុងនៅពេលទៅញ៉ាំស៊ុបជាមួយគ្នា។
មានវិធីដោះស្រាយបញ្ហា
ពិតណាស់ថា នារីវ័យក្មេងខ្វះបទពិសោធ និងមិនមានវិធីក្នុងការត្រៀមដើម្បីទប់ទល់នឹងស្ថានភាពលំបាក លើកដំបូងក្នុងជីវិតដែលត្រូវប្រឈមមុខ ដូចជា ស្នេហាលើកដំបូង ខកស្នេហ៍លើកដំបូង ឬលើកដំបូងត្រូវគេបោកប្រាស់ជាដើម។ ដោយសារមិនទាន់មានបទពិសោធ ពួកនារីវ័យក្មេងតែងយកប្រការតូចតាចទាំងនេះធ្វើជារឿងសំខាន់ ជួនកាលពួកនាងសម្រេចធ្វើអត្ដឃាតទៀតផង។
ពូកែ “ឡើងគ្រែ”
ជាការពិតនេះគឺជាមូលហេតុចម្បងមួយដែលធ្វើអោយបុរសជ្រើសរើសនារីដែលមានអាយុច្រើនចាងខ្លួន។ នាងមានបទពិសោធ និងមិនមានការភ័យព្រួយដូចលើកដំបូងនៃការ “ឡើងគ្រែ”។ នាងមានជំនឿចិត្តលើខ្លួនឯង និងចេះធ្វើអោយបន្ទប់គេងក្លាយជាកន្លែងដ៏ទាក់ទាញ។ នាងមាន “មេរៀន” ច្រើនដើម្បីបង្រៀនដៃគូរបស់នាង។
ដោយ ៖ សូរីយ៉ាប្រភព ៖ zing