ព័ត៌មានអន្តរជាតិ ៖ ប្រទេស លីប៊ី បានប្រារព្ធពិធីបុណ្យ ខួបលើកទី៦១ នៃថ្ងៃឯករាជ្យ ក្នុងប្រទេសអាហ្រ្វិកខាងជើង នេះបើតាមការអោយដឹងពីទំព័រសារព័ត៌មានបរទេស xinhuanet ដែលបានធ្វើការចុះផ្សាយកាលពីម្សិលមិញនេះ។
គួរបញ្ជាក់ផងដែរថា ពិធីបុណ្យជាតិនេះនឹងមាន ការដើរក្បួនព្យុហយាត្រារបស់កងយោធា ដែលត្រូវបានរៀបចំឡើងនៅ Martyrs Square ក្នុងទីក្រុងទី្រប៉ូលី រួមជាមួយ នឹងនាវា ដែលសំចតនៅក្នុងកំពង់ផែក្នុងទីក្រុង ដោយធ្វើការបន្លឺសារ៉ែន ដើម្បីអបអរសាទរក្នុងពិធីបុណ្យដ៏ពិសេសនេះ។
ក៏មានសេចក្តីថ្លែងការណ៍ ប្រធានាធិបតីលីប៊ី លោក Ali Zaidan បាននិយាយថា រដ្ឋាភិបាលលីប៊ី ត្រូវការឲ្យប្រជាពលរដ្ឋរបស់ខ្លួនប្រឹងប្រែងធ្វើការ ព្រមទាំងខិតខំចូលរួមក្នុងការងារជាប្រចាំថ្ងៃ ជាមួយនឹងជំនឿចិត្ត ដើម្បីកសាង និងអភិវឌ្ឍន៍ប្រជាជាតិរបស់ខ្លួន។
ប្រភពដដែលបានបន្ថែមថា លោក Zaidan បានជម្រុញប្រជាពលរដ្ឋលីប៊ីធ្វើកិច្ចសហការណ៍ជាមួយមន្ត្រីប៉ូលីស ហេតុនេះ កងកម្លាំងសន្តិ សុខអាចបង្កើននូវការរក្សាសន្តិសុខ និង ស្ថិរភាពក្នុងប្រទេសបានយ៉ាងល្អ។ គួរបញ្ជាក់ថា ពិធីបុណ្យនេះ ត្រូវបាន ចូលរួមពីសំណាក់មន្ត្រីរដ្ឋាភិបាល សមាជិក នៃសភាជាតិ រួមជាមួយនឹងប្រេសិទបរទេស និងអ្នកដំណាងមកពី អង្គការមិនមែនរដ្ឋាភិបាលនានាផងដែរ៕
ដោយ ៖ រិទ្ធីប្រភព ៖ xinhuanet