អន្តរជាតិ ៖ បុរសម្នាក់ត្រូវបានឆ្លាមសមុទ្រកំណាចមួយក្បាលបានវាយប្រហាររហូតដល់បាត់បង់ជីវិត ខណៈពេលដែលមិត្តរបស់គាត់ម្នាក់ផ្សេងទៀត មិនអាចជួយអ្វីបាននោះទេ ក្រៅពិឈរមើល ហេតុការណ៍ដ៏គួរអោយខ្លាចមួយនេះ នេះបើយោងតាមរបាយការណ៍ដែលបានចេញផ្សាយដោយគេហទំព័រសារព័ត៌មានបរទេស Sky កាលពីប៉ុន្មានម៉ោងមុននេះ។
គួរបញ្ជាក់ផងដែរថា រឿងហេតុការណ៍វាយប្រហារពីសំណាក់ឆ្លាមសមុទ្រមួយនេះ បានកើតឡើងនៅឯឈូងសមុទ្រ Surf Beach ក្នុងក្រុង Lompoc រដ្ឋ California សហរដ្ឋអាមេរិក។ លើសពីនេះទៅទៀត របាយការណ៍ដដែលក៏បានបញ្ជាក់បន្ថែមផងដែរថា បុរសដែលជាជនរងគ្រោះរូបនោះមានឈ្មោះថា Francisco Javier Solorio ត្រូវបានឆ្លាមវាយប្រហារ ខណៈពេលដែលគាត់នឹងមិត្តភក្តិរបស់គាត់ម្នាក់ទៀត កំពុងតែរីករាយក្នុងការជិះទូករំអិលលើទឹក ភ្លាមៗនោះ មិត្តភក្តិរបស់គាត់មិនអាចជួយអ្វីបាននោះទេ ក្រៅពីទាញគាត់ចេញពីទ្វារមច្ចុរាជ នឹងក្រោយមក Call ហៅក្រុមសង្រ្គោះបន្ទាន់។
ជាអកុសល បន្ទាប់ពីក្រុមសង្គ្រោះបន្ទាន់ បានមកដល់កន្លែងកើតហេតុ ពួកគេបានរងអោយឃើញថា បុរសដែលជាជនរងគ្រោះរូបនោះ បានស្លាប់បាត់បង់ជីវិតបាត់ទៅហើយ ខណៈពេលដែលគាត់រងរបួសធ្ងន់ធ្ងរខ្លាំងពេក ពាសពេញដងខ្លួន ។ គួរបញ្ជាក់ផងដែរថា រឿងហេតុការណ៍វាយប្រហារមួយនេះ ក៏កំពុងតែស្តិតនៅក្នុងការតាមដានស៊ើបអង្កេត ក៏ដូចជា ក៏កំពុងតែតាមចាប់មច្ចុរាជមួយក្បាលនោះផងដែរ៕
ដោយ ៖ រិទ្ធីប្រភព ៖ Sky