ព័ត៌មានអន្តរជាតិ ៖ នាយករដ្ឋមន្រ្តីថៃ លោកស្រី យីងឡាក់ ស៊ីណាវ៉ាត្រា បានរៀបចំនូវកំណែទំរង់ថ្មីស្តីពីការរុះរើគណៈរដ្ឋមន្រ្តី ជាលើកទី ៣ បើគិតចាប់តាំងពីឆ្នាំមុន នេះបើយោងតាមសេចក្តីរាយការណ៍ដែលបានចេញផ្សាយដោយគេហទំព័រសារព័ត៌មានបរទេស sina កាលពីម្សិលមិញនេះ។
លើសពីនេះទៅទៀត របាយកាណ៍ដដែលនេះ ក៏បានបញ្ជាក់បន្ថែមអោយដឹងផងដែរថា នាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា កាលពីថ្ងៃចន្ទ បានការពារការ រុះរើគណៈរដ្ឋមន្ត្រីដោយថ្លែងថាវាត្រូវបានរៀបចំ ដើម្បីលើកកម្ពស់សមត្ថភាពនិងប្រសិទ្ធភាពរដ្ឋាភិបាល។
លោកស្រី បានថ្លែងថា ៖ ចូរពិនិត្យមើលគណៈរដ្ឋមន្ត្រីហើយអ្នកនឹងឃើញថា ពួកគេភាគច្រើនមានទាក់ទងនឹងជំនាញនិងបទពិសោធ។ វាមិនមែនជាការសងគុណឬក៏ផ្ដល់រង្វាន់ដល់ភាពស្មោះត្រង់នោះទេ។ លោកស្រីបានទទូចថាការរុះរើ ដែលមានតំណែង ២៣ រួមទាំងសម្ព័ន្ធមិត្ត របស់អតីតនាយករដ្ឋមន្ត្រី អស់អំណាចលោក ថាក់ស៊ីន ស៊ីណាវ៉ាត្រា មួយចំនួននឹងមិនប៉ះពាល់ដល់ដំណើរការជាបន្តរបស់ រដ្ឋាភិបាលនោះទេ។
លោកស្រីយីងឡាក់បានថ្លែងថាអតីតសមាជិកគណៈរដ្ឋមន្ត្រីក៏នឹងត្រូវស្នើឲ្យជួយកិច្ចការរដ្ឋាភិបាលផងដែរ ។ លោក ស្រីបានថ្លែងថា ការបែងចែកការទទួលខុសត្រូវក្នុងចំណោមតំណាងរាស្ត្ររបស់លោកស្រី នឹងត្រូវសម្រេចចិត្ត ក្រោយពីពិធីស្បថចូលកាន់តំណែងនៅចំពោះព្រះភក្ត្រព្រះមហាក្សត្រ៕
ដោយ ៖ ពិសីប្រភព ៖ sina