ព័ត៌មានអន្តរជាតិ ៖ បើយោងតាមសេចក្តីរាយការណ៍ ដែលបានចេញផ្សាយដោយគេហទំព័រសារព័ត៌មានបរទេស chinadaily កាលពីម្សិលមិញនេះ បានបញ្ជាក់អោយដឹងថា វាគឺជាដំណឹងល្អមួយ កាលដែលបានដឹងថា ពូជខ្លា Siberian បានចាប់កំណើតយ៉ាងច្រើន នាឯភាគខាងជើងឆៀងខាងកើតប្រទេសចិន។
គួរបញ្ជាក់ផងដែរថា របាយការណ៍ដដែលនេះ បានបន្ថែមអោយដឹងថា គ្រាន់តែនៅអំឡុងឆ្នាំ២០១២ នេះ ពូជខ្លាដ៏កម្រប្រភេទនេះ បានចាប់កំណើតបានដល់ទៅ ៩១ ក្បាលឯណោះ នៅឧទ្យានជាតិ ភាគខាងជើងឆៀងខាងកើត ប្រទេសចិន ពោលគឺ ខេត្ត Heilongjiang ខណៈពេលដែលមកទល់នឹងពេលនេះ ចំនួនខា្លទាំងអស់មាននៅក្នុងឧទ្យានជាតិកើនឡើងដល់ទៅ១០៦៧ ក្បាល ស្របពេលដែលឧទ្យានជាតិមួយនេះផងដែរ ត្រូវបានបង្កើតឡើងចាប់តាំងពីឆ្នាំ ១៩៨៦មកម្ល៉េះ។
គួររំឭកផងដែរថា ពូជខ្លា Siberian ដែលប្រទេសមួយចំនួនផ្សេងទៀត បានហៅថាពូជខ្លា Amur ឬ Manchurian ពួកវាទាំងអស់ ភាគច្រើនបានប្រមូលផ្តុំនៅឯភាគខាងកើតប្រទេសរុស្ស៊ី , ភាគខាងជើងឆៀងខាងកើតប្រទេសចិន និងផ្នែកមួយចំនួននៅក្នុងប្រទេសកូរ៉េ៕
ដោយ ៖ រិទ្ធីប្រភព ៖ chinadaily