ព័ត៌មានអន្តរជាតិ ៖ បើយោងតាមការដកស្រង់អត្ថបទផ្សាយ ដែលចេញដោយទីភ្នាក់ងារសារព័ត៌មានបរទេស singaporeseen កាលពីវេលាល្ងាចម្សិលមិញនេះ បានគូសបញ្ជាក់អោយដឹងថា មាន Status ក៏ដូចជារូបភាពមួយចំនួនទៀតត្រូវបានដកស្រង់ចេញពីបណ្តាញទំនាក់ទំនងសង្គមយក្ស ហ្វេសប៊ុក ដោយបានផ្តល់ជាដំបូន្មានដល់អ្នកប្រើប្រាស់ទូរស័ព្ទចល័តទាំងអស់អោយបង្ការក្នុងការទទួលទូរស័ព្ ទ ខណៈពេលដែលទូរស័ព្ទផ្ទាល់ ក៏កំពុងតែសាកថ្ម ដែលវាអាចបង្កជាហានិភ័យ ដូចជា ខ្សែភ្លើងឆក់ជាដើម ដែលមានដូចទៅនឹងរូប ខាងក្រោមនេះស្រាប់។
លើសពីនេះ ប្រភពសារព័ត៌មានដដែលបន្ថែមថា រូបខាងលើនេះ ដែលត្រូវបង្ហោះចូលទៅក្នុងបណ្តាញសង្គម ហ្វេសប៊ុក ក៏មានការពណ៌នា បញ្ជាក់ផងដែរថា ខណៈពេលដែលទូរស័ព្ទកំពុងតែសាកថ្មនោះ វាក៏បានរោទ៍ឡើង ហើយបុរសម្នាក់នេះ ក៏ទៅលើកនិយាយជាធម្មតាដោយមិនបានដកវាចេញ ឈប់សាកថ្មនោះទេ រំពេចនោះ បុរសម្នាក់នោះ ក៏បានឆក់ដួលទៅនឹងដីមួយរំពេច ខណៈពេលដែលមិនដកខ្សែសាកចេញពីរន្ធអគ្គីសនី។
ភ្លាមៗនោះ ក៏មានការបញ្ជូនជនរងគ្រោះទៅកាន់មន្ទីរពេទ្យ ពីសំណាក់អាណាព្យាបាលរបស់គេ បន្ទាប់ពីបានរកអោយឃើញថា គេបានដេកដួលសន្លប់ទៅនឹងដី ខណៈពេលដែលដៃរបស់គាត់ត្រូវបានឆក់ និងឆេះ។ តែជាអកុសល បុរសរូបនោះ ត្រូវបានស្លាប់នាពេលក្រោយមក។
បើតាមប្រភពសារព័ត៌មាននេះ បញ្ជាក់ថា ករណីខាងលើនេះ មិនមានប្រភពផ្លូវការណាមួយបញ្ជាក់ថាបានកើតឡើងនៅទីណា និងពេលណានោះទេ ហើយក៏មិនមានការបញ្ជាក់អះអាងថា ទូរស័ព្ទ ដែលបានប្រើនោះជាម៉ាកអ្វីនោះដែរ ស្របពេលដែលករណីឆក់នេះ ដៃជនរងគ្រោះស្ថិតនៅក្នុងសភាពសើមឬក៏យ៉ាងណានោះ ក៏មិនអោយដឹងច្បាស់នោះទេ ខណៈពេលដែលករណីខាងលើនេះ បានដកស្រង់ចេញពី បណ្តាញទំនាក់ទំនងសង្គមយក្ស ហេ្វសប៊ុក តែប៉ុណ្ណោះ៕
ដោយ ៖ រិទ្ធីប្រភព ៖ singapourseen