សុខភាពស្បែក គឺជាបញ្ហាមួយដ៏សំខាន់ ដែលមនុស្សយើងតែងតែមានការព្រួយបារម្ភ។ ជាពិសេស សំរាប់ ស្រ្តីតែម្តង ស្រី្តភាគច្រើន តែងរកគ្រប់មធ្យោបាយ និង ប្រើគ្រប់ផលិតផលដើម្បីឱ្យស្បែករបស់ខ្លួន សស្អាត ភ្លឺរលោង និង តឹងណែន។
ខាងក្រោមនេះ យើ់ងសូមណែនាំ អ្នកនូវប្រភេទផ្លែឈើមួយចំនួន ដែលអាចជួយឱ្យស្បែករបស់អ្នកភ្លឺរលោង និង តឹងណែន ដោយធម្មជាតិ។
ផ្លែចេក៖ គឺជាប្រភេទផ្លែឈើដែលសម្បូរ និង ងាយស្រួលរកបំផុត នៅគ្រប់ទីកន្លែង និងមានតំលៃសមរម្យ ជាមួយនឹងរសជាតិឆ្ងាញ់ពិសា។ មួយវិញទៀត ផ្លែចេក មានផ្ទុកនូវសារធាតុ ដែក ម៉ាញ៉េស្យូម និង ប៉ូតាស្យូម ដែលមានតួនាទី ជួយកាត់បន្ថយ ដំណើរមានរដូវរបស់ស្រ្តី ឱ្យដើរស្រួល និង ទៀងទាត់។
បន្ថែមពីលើសពីនេះទៀត ផ្លែចេក សម្បូរទៅដោយ វីតាមីន A, B និង E ដែលដើរតួនាទីយ៉ាងសំខាន់ ប្រឆាំងនឹងការចាស់មុនវ័យ។
ផ្លែក្រូច៖ មានផ្ទុកនូវសារធាតុវីតាមីន C និង នូវប្រូតេអ៊ីន ខ្ពស់ ដែលជួយឱ្យស្បែកមានសំណើច សស្អាត ភ្លឺរលោង និង ជួយឱ្យស្បែកដុះលូតលាស់បានល្អ។ សូមយកសាច់ផ្លែក្រូច ដុសខាត់នៅលើស្បែករបស់អ្នក ដើម្បីធ្វើឱ្យស្បែកភ្លឺរលោង។
ផ្លែល្ហុង៖ មានអត្ថប្រយោជន៍យ៉ាងសំខាន់សំរាប់ស្បែកដោយសារតែនៅក្នុងផ្លែល្ហុងមានផ្ទុក ទៅដោយសារធាតុប្រតិកម្មអ៊ុកស៊ីត និង សារធាតុអង់ស៊ីម ដែលអាចជួយសម្លាប់កោសិកាស្បែកងាប់ និង ព្យាបាលខូច។ សូមទទួលទាន ទឹកល្ហុងទុំក្រឡុកមួយកែវ ឬយកផ្លែល្ហុងទុំ លាយនៅលើស្បែកមុខ និងឱ្យស្បែកមុខរបស់អ្នក ទន់ភ្លឺរលោង និង តឹងណែន បានឆាប់រហ័ស៕
ប្រែសម្រួលដោយ៖ វណ្ណៈប្រភព៖ timesofindia