ក្រុមអ្នកវិទ្យាសាស្រ្ត អះអាងថា រកឃើញពូជសត្វចាបប្រភេទថ្មី មានតែមួយគត់ នៅទីក្រុងភ្នំពេញ

ភ្នំពេញ ៖ ប្រភេទសត្វបក្សីមួយ   ដែលមិនស្គាល់ពីមុន  ត្រូវបានគេរកឃើញនៅក្នុងប្រទេសកម្ពុជា មិនមែននៅក្នុងព្រៃដាច់ស្រយាលមួយចំនួននោះទេ ប៉ុន្តែនៅក្នុងរដ្ឋធានីរបស់ប្រទេសនេះ រាជធានីភ្នំពេញ នេះបើតាមការដកស្រង់អត្ថបទផ្សាយពីគេហទំព័រសារព័ត៌មានបរទេសstraitstimes ដែលទើបតែបានចេញផ្សាយកាលពីពេលកន្លងទៅនេះ។

ក្រុមអ្នកវិទ្យាសាស្រ្ត មកពីទីក្រុងញ៉ូវយ៉ក សហរដ្ឋអាមេរិក និងមានមូលដ្ឋានមកពី សមាគមអភិរក្សសត្វព្រៃ ( Wildlife Conservation Society​ )​​ និង ក្រុមអ្នកវិទ្យាសាស្រ្តមួយចំនួនផ្សេងទៀត ដែលរួមបញ្ជូល BirdLife International អោយដឹងថា ពួកគេបានរកឃើញ ប្រភេទសត្វបក្សីមួយថ្មី ដែលមានតែមួយគត់នៅក្នុងទីក្រុងភ្នំពេញ   ប្រទេសកម្ពុជា ។  ប្រភេទសត្វបក្សីមួយនេះ     ត្រូវបានគេជឿថា    ជាសត្វចាប  មានសម្បុរពណ៌ត្នោត គុណពណ៌ ក្បាលពណ៌ក្រហមនិងផ្នែកនៃកញ្ជឹង ក ពណ៌ខ្មៅ ។

លើសពីនេះ បើយោងតាមសេចក្តីថ្លែងការណ៍អោយដឹងថា ការរកឃើញនៃសត្វបក្សីប្រភេទនេះ   ត្រូវបានគេស្គាល់ផងដែរថាជាសត្វបក្សី Orthotomus chaktomuk  ដែលត្រូវបានគេប្រកាសផ្សាយជាពិសេស នៅលើទិនានុប្បវត្តិ Oriental Bird Club's journal Forktail ៕

ដោយ ៖ រិទ្ធីប្រភព ៖ straitstimes