ព័ត៌មានអន្តរជាតិ ៖ សួនសត្វពីរនៅក្នុងប្រទេសចិន ប្រឈមមុខក្នុងការបិទទ្វារ បន្ទាប់ពីចងសត្វខ្លា ផ្អោបទៅនឹងតុ រួចវាយនឹងដំបង ធ្វើដូច្នេះ ទើបអាចអោយអ្នកទស្សនាចរ អាចឡើងជិះលេងលើវាបាន និងថតរូបជាអនុស្សាវរីយ៍ នេះបើយោងតាមការដកស្រង់អត្ថបទផ្សាយពីគេហទំព័រសារព័ត៌មានសឹង្ហបុរី singaporeseen ។
បើយោងតាមរបាយការណ៍ពី Global times អះអាងអោយដឹងថា ករណីទីមួយ គឺបានកើតឡើងនៅក្នុងឧទ្យានជាតិខ្លា នៅក្នុងក្រុង Changchun នាខេត្ត Jilin ប្រទេសចិន ។ ជាការពិត បើយើងងាកក្រឡេកទៅមើល រូបភាពខាងលើនេះវិញ ជាក់ច្បាស់ណាស់ ខ្លាមួយក្បាល ត្រូវបានឆ្មាំសួនសត្វចាប់ចងទៅនឹងតុឈើ ដោយមានវាយជាដំបងទៀតនោះ មុននឹងអនុញ្ញាតអោយអ្នកទស្សនាចរ អាចឡើងពីលើអង្គុយលេង និងថតរូបជាអនុស្សាវរីយ៍ថែមទៀតផង។
គួរបញ្ជាក់ផងដែរថា អ្នកចាត់ការណ៍ដែលមកពីសួនសត្វមួយនេះ ត្រូវបានក្រុមអាជ្ញាធរពិន័យជាសាច់ប្រាក់ ៥,០០០ យ័ន ស្មើនឹង ៨០០ ដុល្លារ ស្របពេលដែលការប្រឈមក្នុងការបិទទ្វារនៅតែជាបញ្ហាចោទ៕
ដោយ ៖ ពិសិដ្ឋប្រភព ៖ singaporeseen