ព័ត៌មានអន្តរជាតិ ៖ បើយោងតាមអត្ថបទផ្សាយ របស់គេហទំព័រសារព័ត៌មានបរទេសsingaporeseen ដែលទើបតែបានចេញផ្សាយក្នុងអំឡុងថ្ងៃទី ១៧ ឧសភា នេះបានគូសបញ្ជាក់អោយដឹងថា បុរសម្នាក់ បានមានកំហឹងក្រេវក្រោធជាខ្លាំង ខណៈពេលដែលកំពុងនិយាយទូរស័ព្ទ ដោយមានជម្លោះជាមួយនឹងប្រពន្ធនោះ ដែលជាហេតុធ្វើអោយគប់គ្រវែង កូនប្រុសតូចវ័យទើបតែមួយឆ្នាំរបស់ខ្លួន ទៅនឹងដី។
ប្រភពសារព័ត៌មានដដែល បានគូសបញ្ជាក់ថា កាលពីថ្ងៃទី ១១ ខែ ឧសភា កន្លងទៅ លោក Chen វ័យ ៣១ ឆ្នាំ ដែលត្រូវជាឪពុកចិត្តសឿងរូបនេះ បានធ្វើអោយភរិយារបស់លោកដេកពេទ្យ ក៏ព្រោះតែមានជម្លោះ ដោយកើតមានឡើងនូវអំពើហឹង្សា ក្នុងការប្រើប្រាស់កាំបិត ធ្វើអោយនាងរងរបួស។
លុះថ្ងៃបន្ទាប់មក ឪពុករូបនេះ បានទៅសួរសុខទុក្ខភរិយារបស់ខ្លួន នៅឯមន្ទីរពេទ្យRenji ក្នុងតំបន់ Pudong ប្រទេសចិន វេលាម៉ោង ១១ យប់ ។ ទន្ទឹមនឹងការនិយាយទូរស័ព្ទ ដែលមិនអាចទប់កំហឹងបាននោះ លោក Chen ក៏បានគ្រវែងកូនប្រុសតូចវ័យទើបតែ ១ ឆ្នាំទៅនឹងដី ដែលបានបណ្តាលអោយគេទទួលរងរបួសក្បាល និងហូរឈាមថែមទៀតផង។
ដោយឡែក មកទល់នឹងពេលនេះ លោក Chen ដែលត្រូវជាឪពុកចិត្តសឿងរូបនេះត្រូវបានក្រុមមន្រ្តីប៉ូលីសចាប់ឃាត់ខ្លួនហើយនិងរង់ចាំការផ្តន្ទាទោសទៅតាមផ្លូវច្បាប់របស់ប្រទេសនេះ។ ខាងក្រោមនេះ ជាវីដេអូ តាមដានទស្សនាបន្តិចទៅ ៖
ដោយ ៖ រិទ្ធីប្រភព ៖ singaporeseen