សិង្ហបុរី ៖ បុរសម្នាក់ត្រូវបានកាត់ទោស អោយជាប់ពន្ធនាគាររយៈពេលជាង 8 សប្តាហ៍ ក្រោយពីបុរសម្នាក់នេះ បានរួមភេទជាមួយនឹងក្មេងស្រីវៀតណាមមិនទាន់គ្រប់អាយុ ។
បើតាមប្រភពសារព័ត៌មាន បានអោយដឹងថា បុរសម្នាក់នោះមានឈ្មោះថា Justin Guo Zhijia ហើយរូបគេផ្ទាល់ ក៏បានសារភាពផងដែរថា ៖ គាត់ពិតជាបានរួមភេទជាមួយក្មេងស្រីនោះមែន ពោលគឺនាងមានអាយុទើបតែ 16 ឆ្នាំប៉ុណ្ណោះ។ ពួកគេបានជួបគ្នាជាលើកដំបូងនៅខារ៉ាអូខេមួយកន្លែងដែលមានឈ្មោះថា V4 Karaoke Pub ដែលជាទីកន្លែងរបស់ក្មេងស្រីជំទង់វ័យ 16 ឆ្នាំនោះធ្វើការ។
ក្រោយមក ក្មេងស្រីជំទង់វ័យ 16 ឆ្នាំរូបនោះ ក៏បានយល់ព្រមរួមភេទជាមួយនឹងបុរសម្នាក់នោះជាថ្នូរដើម្បីដូរយកជាសាច់ប្រាក់ចំនួន 100 ដុល្លារសិង្ហបុរី ។ លើសពីនេះទៅទៀត បើយោងតាមសម្តីរបស់មេធាវីការពារក្តីលោក Guo ដែលមានឈ្មោះថា មេធាវី Sunil Sudheesan បានបញ្ជាក់អោយដឹងផងដែរថា ទោះបីលោក ត្រូវបានចោទប្តឹងដោយបានធ្វើការរួមភេទជាមួយនឹងមនុស្សមិនទាន់គ្រប់អាយុក្តី តែក៏ត្រូវតែបន្ធូរបន្ថយផងដែរ ពីព្រោះថា មុនពេលដែលលោកសំរេចចិត្តក្នុងការរួមភេទជាមួយនាងនោះ គាត់ក៍បានសួរ ពីអាយុនាងផងដែរ តែក្មេងស្រីជំទង់វ័យ 16 ឆ្នាំនោះ បែរជាបានឆ្លើយថា ខ្លួនមានអាយុ 20 ឆ្នាំទៅវិញ។
គួរបញ្ចាក់ផងដែរថា ក្រោយពីមានការជំនុំជំរះក្នុងការកាត់ក្តីករណីមួយនេះ ជាចុងក្រោយបានអោយដឹងថា បុរសម្នាក់នេះត្រូវកាត់ទោសអោយជាប់ពន្ធនាគាររយៈពេលជាង 8 សប្តាហ៍ ៕
ដោយ ៖ រិទ្ធីប្រភព ៖ channelnewsasia