អន្តរជាតិ ៖ ដោយមានទម្ងន់ដល់ទៅជិត ៧០ គក និងមានប្រវែងទទឹងដល់ទៅ ៣៨ ស.មក្តាមមួយក្បាលនេះ មកពីកោះ Tasmanian ប្រទេសអូស្រ្តាលី ត្រូវបានចាត់ចូលជាក្តាមយក្សដែលមានទំហំធំជាងគេបង្អស់លើលោក ពោលគឺ វាមានទំហំធំជាងក្តាមធម្មតាដល់ទៅ១០០ដងឯណោះ នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេសsingaporeseen ។
លើសពីនេះ បើយោងតាមរបាយការណ៍មកពី Planet Cyber បញ្ជាក់បន្ថែមអោយដឹងថាក្តាមចម្លែកមួយនេះ អាចនឹងរីកមាឌកាន់តែធំជាងនេះទៅទៀត ខណៈនាពេលបច្ចុប្បន្ននេះ វាស្ថិតនៅសភាពក្មេងខ្មីនៅឡើយ។
គួរបញ្ជាក់ផងដែរថា ក្តាមចម្លែកដ៏ធំមួយក្បាលនេះ ត្រូវបានប្រមាញ់ជាប់ដោយអ្នកនេសាទម្នាក់ លុះក្រោយមក ក៏បានលក់វាក្នុងតម្លៃ ៥,៨៣២ ដុល្លារសឹង្ហបុរី ទៅអោយ ជលវប្បដ្ឋាន(អាងចិញ្ចឹមត្រី) អង់គ្លេស ។ យ៉ាងណាមិញ បើយោងតាមសម្តី លោក Rob Hicks ប្រធានអង្គភាពជីវចំរុះដែនសមុទ្រ Sea Life អោយដឹងថា ក្តាមមួយប្រភេទនេះ ពិតជាគួរអោយចាប់អារម្មណ៍ជាខ្លាំង ខណៈវាពិតជាមានតម្លៃ ក្នុងការរកប្រាក់ចំណូល បន្ទាប់ពីចំណាយលទ្ធភាពក្នុងការហោះហើរ ទៅកាន់ពិភពលោក ក្នុងការតាំងបង្ហាញខ្លួនជាសាធារណៈ ៕
ដោយ ៖ ពិសីប្រភព ៖ singaporeseen