អន្តរជាតិ ៖ យុវតីស្រស់ស្អាតម្នាក់ ដែលជានិស្សិត ត្រូវបានបុរសវ័យចំណាស់ម្នាក់ផ្សេងទៀត វាយប្រហារនៅលើរថយន្តក្រុង ប ន្ទាប់ពីនាងបានបដិសេធ មិនព្រមងើបចេញពីកន្លែងអង្គុយ ខណៈបានបង្កើតឡើងនូវជម្លោះទាស់សម្តីគ្នា និង ប្រើអំពើហឹង្សាបន្តិចបន្តួច នេះបើយោងតាមការដកស្រង់អត្ថបទសារព័ត៌មាន ពីគេហទំព័របរទេស អាស៊ីវ័នដែលទើបតែបានចេញផ្សាយកាលពីថ្ងៃទី ២ កន្លងទៅនេះ។
ប្រភពសារព័ត៌មានដដែល ក៏បានគូសបញ្ជាក់បន្ថែមអោយដឹងផងដែរថា ករណីខាងលើនេះ បានកើតឡើងនៅខេត្ត Jiangsu ប្រទេសចិន ។ គួរបញ្ជាក់ផងដែរថា បុរសវ័យចំណាស់រូបនោះ បានបើកការវាយប្រហារទៅលើយុវតីរូបនោះ ដោយយកជង្គង់របស់គាត់ ទៅឆ្គើសនាង ស្របពេលដែលរំពេចនោះ ក៏បានកើតមានឡើងនូវជម្លោះរហូតដល់ប្រើអំពើហឹង្សាទៅលើរូបនាង ។ មិនត្រឹមតែប៉ុណ្ណោះ គាត់ក៏បានគំរាមនាងផងដែរថា អោយឈប់និយាយតមាត់ជាមួយនឹងគាត់ បើមិនដូច្នេះទេ គាត់នឹងវាយនាងជាក់ជាមិនខាន។
ភ្លាមៗនោះ ក៏មានការអន្តរាគមន៍ ពីសំណាក់អ្នកធ្វើដំណើរក្នុងឡានក្រុងជាមួយនឹងគ្នា ដោយចាប់ឃាត់បុរសវ័យចំណាស់ ដែលជាជនអគតិរូបនោះ ។ ដោយឡែក បើនិយាយពីសកម្មភាពវាយប្រហារលើកនេះត្រូវបានថតជាប់តាមរយៈកាម៉េរ៉ាសុវត្ថិភាព ដែលបានបំពាក់នៅក្នុងឡានក្រុង។ ភ្លាមៗនោះ បុរសវ័យចំណាស់ បាត់បង់ម្ចាស់ការរូបនេះ ក៏បានគេចខ្លួនបាត់ភ្លាមៗមួយរំពេច ខណៈមិនទាន់បានឃាត់ខ្លួនផងនោះ ៕
ដោយ ៖ រិទ្ធីប្រភព ៖ អាស៊ីវ័ន