ព័ត៌មានអន្តរជាតិ ៖ បើតាមការអោយដឹងពីទីភ្នាក់ងារសារព័ត៌មានបរទេស rocketnews ដែលទើបតែបានចេញផ្សាយ ពីរម៉ោងមុននេះ បានគូសបញ្ជាក់អោយដឹងថា បុរសដែលជាកម្មករវ័យ ៤៦ ឆ្នាំម្នាក់ បានរកឃើញគ្រោងឆ្អឹងមនុស្សគ្មានក្បាល នៅឯការដ្ឋានជួសជុលផ្លូវមួយកន្លែង ដែលមានទីតាំងតាមបណ្តោយផ្លូវ Tomei Expressway នាខេត្ត Kanagawa ប្រទេសជប៉ុន។
បណ្តោយផ្លូវ Tomei Expressway ទីតាំងរកឃើញគ្រោងឆ្អឹង
គួរបញ្ជាក់ផងដែរថា ករណីខាងលើនេះ បានកើតឡើងកាលពីម្សិលមិញនេះ ។ ដោយឡែកប្រភពសារព័ត៌មានដដែល បានបញ្ជាក់បន្ថែមអោយដឹងផងដែរថា បើតាមការវិភាគគ្រោងឆ្អឹងមនុស្សមួយនេះ មិនទាន់បានដឹងអត្តសញ្ញាណថាជាមនុស្សប្រុស ឬ ក៏ស្រីនៅឡើយទេគ្រាន់តែបានដឹងថា គ្រោងឆ្អឹងនោះ គ្មានក្បាល ស្ថិតនៅក្នុងឈុតសម្លៀកបំពាក់ អាវរងា ខោជើងវែង គ្មានស្បែកជើង។
រូបភាព ដែលជាគំរូ
យ៉ាងណាមិញ បន្ទាប់ពីបានរកឃើញនូវគ្រោងឆ្អឹងមួយនេះ ក្រុមមន្រ្តីប៉ូលីសក៏បានបើកយុទ្ធនាការរបស់ខ្លួន ក្នុងការតាមដានស៊ើបអង្កេតរកអត្តសញ្ញាណជនរងគ្រោះ ក៏ដូចជាមូលហេតុដែលបានបណ្តាលអោយស្លាប់បាត់បង់ជីវិត៕
ដោយ ៖ រិទ្ធីប្រភព ៖ rocketnews