រន្ធត់ ៖ យុវសិស្សវ័យ ២១ ត្រូវបានចាប់ខ្លួន ខណៈនាំយកសត្វ ក្រពើកំណាច ចូលអាគារវិទ្យាល័យ

ព័ត៌មានអន្តរជាតិ ៖ ​​ ដោយយោងតាមការដកស្រង់អត្ថបទផ្សាយ  របស់គេហទំព័រសារព័ត៌មានបរទេស spy ដែលទើបតែបានចេញផ្សាយកាលពីថ្ងៃសៅរ៍ ទី៤ ឧសភា សប្តាហ៍កន្លងទៅនេះ  បានអោយដឹងថា  យុវសិស្សវ័យ ២១ ឆ្នាំម្នាក់ ឈ្មោះ ​ Shane Allen  ត្រូវបានក្រុមមន្ត្រីជំនាញធ្វើការចាប់ឃាត់ខ្លួន  បន្ទាប់ពីគេបានយកសត្វក្រពើកំណា  ចមួយក្បាលចូលទៅអាគារសិក្សារបស់ខ្លួននៅក្នុងរដ្ឋ Oklahoma សហរដ្ឋអាមេរិក។

លើសពីនេះ    ប្រភពសារព័ត៌មានដដែល ក៏បានគូសបញ្ជាក់បន្ថែម  អោយដឹងផងដែរថាទន្ទឹមនឹងការរកឃើញសត្វក្រពើពិការជើងម្ខាងមួយក្បាលនេះ ក្រុមមន្ត្រីប៉ូលីសក៏បានរកឃើញនូវវេជ្ជបញ្ជាថ្នាំកញ្ឆាផងដែរ នៅក្នុងឡានជនជាប់ចោទវ័យ ២១ ឆ្នាំរូបនោះ។ យ៉ាងណាមិញ    បើយោងតាមអ្នកនាំពាក្យមកពីវិទ្យាល័យវិញ  ក៏បានអះអាងបន្ថែមពីលើនេះផងដែរថា បើតាមការប៉ាន់ស្មាន មូលហេតុដែលនាំអោយ  Allen នាំយកក្រពើមួយក្បាលនោះចូលវិទ្យាល័យ   វាអាចជាផ្នែកមួយនៃការធ្វើបទបង្ហាញ  តែការលើកឡើងនេះ  មិនទាន់មានភាពប្រាកដប្រជានៅឡើយនោះទេ។

គួររំឭកផងដែរថា      យុវសិស្សរូបនេះ​ ​ ក៏កំពុងតែរងការចោទប្រកាន់ទាក់ទិននឹងគ្រឿងញៀន  ហើយគេអាចប្រឈមមុខនឹងការចោទប្រកាន់ពីលើនេះទៀត  ខណៈពេលដែលលោក  មិនមានអាជ្ញាប័ណ្ណផ្លូវការណាមួយ  ស្តីពីការរក្សាទុកនូវសត្វកម្រមួយនេះដោយស្របច្បាប់ ស្របពេលដែលជនជាប់ចោទបានបញ្ជាក់ថា ក្រពើនេះ  គេបានខ្ចីពីមិត្តភក្កិតែប៉ុណ្ណោះ៕

ដោយ ៖ រិទ្ធីប្រភព ៖ spy