១១៥ នាក់ស្លាប់បាត់បង់ជីវិត ក៏ព្រោះតែ ការវាយប្រហារពីសំណាក់ ក្រុមសកម្មប្រយុទ្ធ

អន្តរជាតិ  ៖  មនុស្សច្រើនជាង ១០០ នាក់ត្រូវបានស្លាប់បាត់បង់ជីវិត ដោយសារតែការបំផ្ទុះគ្រាប់បែកមួយកន្លែង នៅក្នុងប្រទេសប៉ាគីស្ថាន នេះបើយោងតាមសេចក្តីរាយការណ៍ព័ត៌មានពីគេហទំព័របរទេស thestar កាលពីម្សិលមិញនេះ។​

គួរបញ្ជាក់ផងដែរថា ការបំផ្ទុះគ្រាប់អត្តឃាត សម្លាប់មនុស្សដល់ទៅ ១១៥ នាក់លើកនេះបានកើតឡើងកាលពីថ្ងៃព្រហស្បត្តិ៍កន្លងទៅនេះ   ពោលគឺស្ថិតនៅក្នុងក្រុង កេតា នៅឯភាគនិរតី ប្រទេសប៉ាគីស្ថាន  ស្របពេលដែលវាគឺជាការវាយប្រហារដ៏អាក្រក់បំផុតនាប៉ុន្មានឆ្នាំចុងក្រោយនេះ ពីសំណាក់ពួកសកម្មយុទ្ធតាលីបង់។

លើសពីនេះទៅទៀត បើតាមការអោយដឹងពីមន្រ្តីជាន់ខ្ពស់ប្រទេសនេះបានបញ្ជាក់អោយដឹងថា កាលពីយប់ថ្ងៃព្រហស្បត្តិ៍កន្លងទៅនេះ ក៏មានការវាយប្រហារពីសំណាក់ពួកសកម្មប្រយុទ្ធដោយបានបំផ្ទុះគ្រាប់បែកពីរកន្លែងផ្សេងគ្នា  ក្នុងរយៈពេលត្រឹមតែ​ ៥ នាទី នឹងបានសម្លាប់ប្រជាជន ដល់ទៅ ៨១ នាក់ ស្របពេលដែល  ច្រើនជាង ១២០ នាក់ផ្សេងទៀតបានរងរបួសជាទម្ងន់៕

ដោយ ៖ ពិសិដ្ឋប្រភព ៖ thestar