បាងកក ៖ បើតាមប្រភពសារព័ត៌មានបរទេសដែលបានចេញផ្សាយនា 2 ទៅ 3 ម៉ោងមុននេះបានអោយដឹងថា មានអគ្គីភ័យមួយបានឆាប់ឆេះនៅក្នុងក្លឹបរាត្រីមួយកន្លែង ពោលគឺនៅ Phuket ប្រទេសថៃ ដែលបានបណ្តាលអោយជនបរទេស 4 នាក់បានស្លាប់បាត់បង់ជីវិត។
គួរបញ្ជាក់ផងដែរថា បើតាមរបាយការណ៍ក្នុងស្រុកបានអោយដឹងថា ឧបទ្ទេវហេតុអគ្គីភ័យឆាប់ឆេះក្លឹបរាត្រីមួយនេះ បានកើតឡើង កាលពីព្រឹកព្រលឹមថ្ងៃសុក្រនេះ ពោលគឺ ព្រឹកមិញនេះតែម្តងដែលបានបណ្តាលអោយជនបរទេស 4 រូបបានស្លាប់ នឹងមនុស្ស 20 នាក់ផ្សេងទៀតបានរងរបួស ។
លើសពីនេះទៅទៀត បើយោងតាមសម្តីអាជ្ញាធរប្រចាំការនៅក្នុងតំបន់នោះបានផ្តល់កិច្ចសម្ភាសន៍ដល់សារព័ត៌មាន AFP បានអោយដឹងថា មកទល់នឹងពេលនេះ សាកសពជនបរទេសទាំង 4 នាក់នោះមិនទាន់បានបញ្ជាក់អត្តសញ្ញាណ នៅឡើយទេ ហើយបើនិយាយពីមូលហេតុ ដែលបណ្តាលអោយកើតមានឡើងនូវអគ្គីភ័យនោះវិញ ត្រូវបានគេអះអាងជាជំហានដំបូង អាចបណ្តាលមកពីខ្ទុះស្សេខ្សែភ្លើង។
គួររំឮកផងដែរថា ក៏មានការបញ្ជាក់អះអាងពីមន្ទីរពេទ្យនៅក្នុងតំបន់នោះផងដែរ ដោយពួកគេបាននិយាយបញ្ជាក់ថា ក្នុងចំណោមអ្នករងរបួសទាំង 20 នាក់ ក្នុងនោះមានទាំងជនបរទេស នឹងជនជាតិថៃផងដែរ ក្រោយពីពួកគេត្រូវបានបញ្ជូនមកកាន់មន្ទីរពេទ្យភ្លាមៗ បន្ទាប់ពីអគ្គីភ័យបានឆាបឆេះក្លឹបកំសាន្តដែលមានឈ្មោះថា Tiger Pub ៕
ដោយ ៖ រិទ្ធីប្រភព ៖ relax