អន្តរជាតិ ៖ បើយោងតាមការដកស្រង់អត្ថបទផ្សាយ របស់ទីភ្នាក់ងារសារព័ត៌មានបរទេសsingaporeseen ដែលទើបតែបានចេញផ្សាយកាលពីពេលកន្លងទៅនេះ បានបញ្ជាក់អោយដឹងថា យុវតីស្រស់ស្អាតចិនម្នាក់ ដែលត្រូវជាភរិយាបុរសអ្នកមានមួយរូប ត្រូវបានរកអោយឃើញថា បានស្លាប់បាត់បង់ជីវិត បន្ទាប់ពីបុរស ដែលជាស្វាមីអ្នកមានរូបនោះ បានចាក់សម្លាប់នាង ដោយកាំបិតដល់ទៅ ៣០ ដងអំឡុងពេលនៃការកើតមានឡើងនូវជម្លោះ ដែលបានបន្សល់ទុកកូនស្រីតូចវ័យ ៤ ខែ អោយនៅកំព្រាម្តាយ។
គួរបញ្ជាក់ផងដែរថា នារីដែលជាភរិយារូបនោះមានឈ្មោះ Qi Kexin វ័យ ២២ ឆ្នាំ ខណៈបុរសជាស្វាមីអ្នកមានរូបនោះ មានឈ្មោះ Ji Xingpeng វ៧យ ២៤ ឆ្នាំ។ ពួកគេទាំងពីរនាក់បានគឺជាមិត្តរួមថ្នាក់នឹងគ្នា កាលពីសិក្សានៅវិទ្យាល័យ ។ ពួកគេបានរៀបការនឹងគ្នា បានរយៈពេលពីរឆ្នាំហើយ។
លើសពីនេះ ប្រភពសារព័ត៌មានដដែលបន្ថែមថា ករណីមនុស្សឃាតខាងលើនេះ បានកើតឡើងកាលពីថ្ងៃទី ២៥ មេសាកន្លងទៅ បន្ទាប់ពីបុរសជាស្វាមីវិលត្រឡប់មកផ្ទះវិញជាមួយនឹងស្ថានភាពស្រវឹង ដែលក្រោយមកទៀត គេក៏បានឈ្លោះប្រកែកជាមួយនឹងភរិយារហូតទាល់តែកើតមានឡើងនូវអំពើហឹង្សា និងបានចាក់សម្លាប់ភរិយារបស់ខ្លួនតែម្តង។
បើយោងតាមសម្តីមិត្តភក្កិនារីជនរងគ្រោះ បានបញ្ជាក់ថា នាង Qi Kexin នាងបានរស់នៅជាមួយនឹងកាតព្វកិច្ច ជាភរិយាមួយដ៏ត្រឹមត្រូវ បើទោះជាពេលខ្លះ នាងត្រូវរងការវាយធ្វើបាបពីសំណាក់ស្វាមី របស់ខ្លួនក៏ដោយ បន្ទាប់ពីគាត់វិលត្រលប់មកផ្ទះវិញ ជាមួយនឹងអារម្មណ៍មួរម៉ៅ។
នាង Kexin ក៏ធ្លាប់មានចិត្តចង់លែងលះដែរ តែនាងនៅតែស៊ូទ្រាំ ដើម្បីអនាគតកូនស្រីតូចរបស់ខ្លួន ។ លើសពីនេះមិត្តរបស់នាងបន្ថែមថា នាង Kexin ក៏ត្រៀមរៀបចំធ្វើពិធីខួបកំណើតជូនដល់ស្វាមីឃោរឃៅរូបនេះផងដែរ តែហេតុអ្វីបានជាមនុស្សតិរច្ឆានរូបនេះ ហ៊ានលើកដៃសម្លាប់មនុស្សដែលស្រឡាញ់ខ្លួនទៅវិញ? ៕
ដោយ ៖ ពិសីប្រភព ៖ singaporeseen