និយាយជាទូទៅ ត្រប់សណ្ដាយ(ត្រប់ក្ដគោ) កាន់តែមានប្រសិទ្ធភាពសម្រកទម្ងន់ច្រើនឡើង នៅពេលដែលយើងយកវាទៅផ្សំជាមួយផ្លែឈើ និងបន្លែផ្សេងទៀត ដែលមានប្រសិទ្ធភាពស្រដៀងគ្នា។ នេះនែ! ជារូបមន្ដសម្រកទម្ងន់ ធ្វើឡើងដោយត្រប់សណ្ដាយ ម្នាស់ និងឆៃថាវ ដែលជាថ្នាំបញ្ចុះទឹកមូត្របែបធម្មជាតិ និងមានប្រសិទ្ធភាពសម្រកទម្ងន់។ រូបមន្ដនេះ នឹងជួយឱ្យអ្នកស្រកទម្ងន់ ក្នុងរយៈពេលមួយដ៏ខ្លី។
គ្រឿងផ្សំ៖
- ត្រប់សណ្ដាយ ១ ផ្លែ
- ឆៃថាវ ៣ មើម
- ម្នាស់ ១ ចំណិត
របៀបធ្វើ៖
- ដាក់គ្រឿងផ្សំទាំង ៣ មុខចូលទៅក្នុងម៉ាស៊ីនក្រឡុក ជាមួយទឹកបន្តិច
- ក្រឡុកឱ្យម៉ត់ល្អ
- ទទួលទានជារៀងរាល់ព្រឹក ក្រោយភ្ញាក់ពីគេងភ្លាមៗ ប៉ុន្ដែត្រូវញ៉ាំដោយឡែកពីអាហារពេលព្រឹក
- នៅពេលអ្នកស្រកទម្ងន់ដូចបំណងហើយនោះ សូមទទួលទាន ៣ ដងបានហើយក្នុងមួយសប្ដាហ៍ ៕
ប្រែសម្រួល៖ សារ៉ាត
ប្រភព៖ steptohealth