ព័ត៌មានអន្តរជាតិ ៖ បើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស CNN ដែលទើបតែបានចេញផ្សាយកាលពីវេលាល្ងាចម្សិលមិញនេះ អោយដឹងថា ពូជសត្វដាយនូស័រថ្មី ដែលមានអាយុកាលរស់ នៅក្នុងពាក់កណ្តាលយុគសម័យ Jurassic ត្រូវបានរកឃើញនៅក្នុងប្រទេសចិន ដែលជាចលករ បានធ្វើអោយអ្នកវិទ្យាសាស្រ្ត យល់ដឹងពីការវិវត្តន៍របស់សត្វបក្សី ដោយយោងតាមរបាយការណ៍ កាលពីថ្ងៃពុធ ដែលបានផ្តល់ដោយ journal Nature ។
ប្រភពសារព័ត៌មានដដែល បានគូសបញ្ជាក់បន្ថែមអោយដឹងផងដែរថា ពូជសត្វដាយនូស័រប្រភេទថ្មីមួយនេះ មានឈ្មោះថា Aurornis xui ។ លើសពីនេះ បើតាមការអោយដឹងពីលោក Pascal Godefroit ដែលជាអ្នកនិពន្ធឈានមុខ ក៏ដូចជាអ្នកស្រាវជ្រាវមកពីវិទ្យាស្ថាន Royal Belgian នៃវិទ្យាសាស្រ្តធម្មជាតិ ( Royal Belgian Institute of Natural Sciences ) ក្នុងក្រុង Brussels អោយដឹងថា ពូជសត្វដាយនូស័រថ្មីមួយនេះដែលត្រូវបានគេស្គាល់ថា ជាពូជសត្វដាយនូស័រ មានរូបរាង ជាពូជសត្វបក្សីដើមកំណើតដំបូងគេបង្អស់ ( New dinosaur is a primitive bird ) មានអាយុកាលរស់នៅតាំងពី ១៥០ លានឆ្នាំមុន ខណៈពេលដែលពូជសត្វដាយនូស័រប្រភេទនេះ អ្នកវិទ្យាសាស្រ្តបានរកឃើញពីការវិវត្តន៍នៃសត្វបក្សី៕
ដោយ ៖ រិទ្ធីប្រភព ៖ CNN