បុគ្គលិក Vizion1208 នៅ Reddit បានសាកថ្ម ហើយចូលដេក។ ក្រោយមកគាត់ត្រូវបានរំខានឲ្យភ្ញាក់ ដោយសារសំលេងផ្ទុះខ្លាំងមួយ។ ស្មាតហ្វូន Galaxy S3 របស់គាត់បានផ្ទុះឆេះ ហើយវាឆេះរាលទាំងកម្រាលពូកថែមទៀត។ គាត់បានប្រញាប់យកទឹកមកពន្លត់ភ្លើង។ ក្នុងពេលពន្លត់នោះ ក៏បានធ្វើឲ្យគាត់ រលាកដៃថែមទៀតផង។
នេះមិនមែន ជាលើកទី១ ទេដែល Galaxy S3 ផ្ទុះឆេះនោះ។ កាលពីខែមិថុនា ឆ្នាំ២០១២ អ្នកប្រើប្រាស់ម្នាក់នៅ Ailen ក៏បានចែករំលែកឲ្យដឹងថា S3 របស់ខ្លួន សុខៗស្រាប់តែ បែកផ្កាភ្លើង ក្នុងពេល កំពុងដាក់នៅជើងទម្រ ក្នុងរថយន្ត។
ក្រៅពី Samsung, Apple ក៏ជាក្រុមហ៊ុនមួយ ដែលតែងតែទទួលបានប្រតិកម្មពីអ្នកប្រើប្រាស់ ព្រោះតែផលិតផលរបស់ក្រុមហ៊ុន គឺ iPhone សុខៗផ្ទុះ ផងដែរ។
បច្ចុប្បន្ន Samsung នៅមិនទាន់មានប្រតិកម្មអ្វីពីបញ្ហានេះ នៅឡើយទេ។ ខាងក្រោមនេះ គឺជារូបភាព Galaxy S3 ដែលបានផ្ទុះ ខាងលើ៖
ដោយ៖ សិលាប្រភព៖ Zng