ព័ត៌មានអន្តរជាតិ ៖ បុរសជនជាតិកាណាដាមា្នក់ ដែលមានឈ្មោះថា Craig Jaret Hutchin-son ត្រូវបានកាត់ទោសអោយជាប់ទ្រុងដែក រយៈពេល ១៨ ខែ បន្ទាប់ពីគាត់បានលួចទម្លុះស្រោមអនាម័យក៏ព្រោះតែចង់បានកូនជាមួយនឹងមិត្តស្រីរបស់ខ្លួន នេះបើតាមការអោយដឹងពីទំព័រសារព័ត៌មានបរទេស Happening ដែលទើបតែបានចេញផ្សាយកាលពីពេលកន្លងទៅនេះ។
គួរបញ្ជាក់ផងដែរថា លោក Craig Jaret មានទំនាក់ទំនងជាមួយនឹងគូស្នេហ៍របស់លោកអស់រយៈកាល ៩ ខែកន្លងរួចមកហើយ ដោយហេតុតែស្រឡាញ់មិត្តស្រីរបស់ខ្លួនពេក និង ចង់រក្សាចំណងមិត្តភាពស្នេហាមួយនេះនោះ លោកក៏បានលួចចាក់ទម្លុះស្រោមអនាម័យ មុនពេលបើកយុទ្ធនាការសង្គ្រាមសឹកជាមួយនាង បន្ទាប់ពីគាត់បានគិតថា បើសិនជាពួកគាត់ទាំងពីរមានកូនមែននោះ នោះទំនាក់ទំនងស្នេហ័របស់ពួកគាត់នឹងកាន់តែល្អូកល្អើនជាងមុន។
ជាលទ្ធផល ដៃគូររបស់គាត់ពិតជាមានកូនមែន តែនាងមិនពេញចិត្តនោះទេ ពោលគឺរំលូតកូននោះចេញ ខណៈពេលដែលនាងមានអារម្មណ៍មិនស្រួលក្នុងរយៈពេលពីរសប្តាហ៍ដំបូងដោយឡែក បើនិយាយពីលោក Craig Jaret ត្រូវបានតុលាការផ្តន្ទាទោស អោយជាប់ពន្ធធនាគាររយៈពេល ១៨ ខែពីបទរំលោភសេចក្តីទុកចិត្ត៕
ដោយ ៖ ពិសិដ្ឋប្រភព ៖ Happening