មិត្តអ្នកអានទាំងអស់ច្បាស់ជាស្រលាញ់ និងថែរក្សាសក់របស់លោកអ្នកហើយរឹតតែមិនចង់ឲ្យមានបញ្ហារំខានជាពិសេសគឺ បញ្ហាអង្គែ។ ថ្ងៃនេះ យើងសូមលើកយកនូវវិធីសាស្រ្តមួយចំនួនដែលអាចជួយកម្ចាត់អង្គែពីស្បែកក្បាលរបស់លោកអ្នកបាន។
១. ប្រេងអូលីវ
ប្រេងអូលីវត្រូវបានគេបញ្ជាក់ថា ជាសារធាតុប្រឆាំងអង្គែដែលមានប្រសិទ្ធភាពបំផុត។
វិធីប្រើ៖ ចាក់ប្រេងអូលីវហើយញីដោយផ្ទាល់ទៅស្បែកក្បាលរបស់អ្នក រួចទុកវាចោលរយៈពេល 40 នាទី បន្ទាប់មកលាងសក់ជាមួយនឹងសាប៊ូកក់សក់ជាការស្រេច។
២. ម្សៅ Soda
ម្សៅ Soda ជួយផ្តល់សំណើមដល់សរសៃសក់ ហើយក៏ជួយក្នុងការប្រយុទ្ធប្រឆាំងជាមួយអង្គែផងដែរ។ វិធីប្រើ៖ យកម្សៅ Soda លាយជាមួយទឹកហើយកូរឲ្យទៅជាល្បាយ បន្ទាប់មកយកវាមកលាបលើស្បែកក្បាលដោយទុកវាចោលរយៈពេល 30 នាទីហើយលាងជម្រះវាជាមួយទឹកក្តៅឧណ្ហៗ។
៣. ប្រេងដើមតែ
គេអាចយកវាទៅលាយជាមួយ ម្សៅ Soda ដើម្បីទទួលបានប្រសិទ្ធភាពកាន់តែខ្ពស់។
វិធីប្រើ៖ ចាក់ប្រេងតែ ៥ទៅ៦ដំណក់ ចូលទៅក្នុងទឹកក្តៅឧណ្ហៗប្រមាណ ៥០ម.ល ហើយលាបវាទុកចោលនៅលើស្បែកក្បាលចំនួន ១៥ ទៅ២០នាទី រួចលាងទឹកចេញជាការស្រេច។
៤. ប្រេងដូង
វិធីនេះគឺងាយស្រួលបំផុត ដោយលោកអ្នកគ្រាន់តែលាបប្រេងដូង ២ទៅ៣ដំណក់ហើយញីនៅកន្លែងដែលមានអង្គែររួចទុកវាចោលពេញមួយយប់។
៥. ទឹកក្រូចឆ្មា
ទឹកក្រូចឆ្មា ផ្ទុកនូវសារធាតុដែលជួយរក្សាតុល្យភាព pH (អាស៊ីត-បាស) ស្បែកក្បាលរបស់អ្នក។
វិធីប្រើ៖ ចាក់ទឹកក្រូចឆ្មារ ២ទៅ៣ដំណក់ចូលទៅក្នុងសាប៊ូកក់សក់របស់អ្នក ហើយកក់សក់តាមធម្មតាជាការរួចរាល់ ៕
ប្រែសម្រួល៖ ច័ន្ទ
ប្រភព៖ Womansbeautyextra