ព័ត៌មានអន្តរជាតិ ៖ លេចចេញនូវរូបភាព ក៏ដូចជាវីដេអូភពផែនដីនៅពេលរាត្រី ដែលជាការថតពីលើលំហអាកាស របស់អង្គការ NASA នេះបើយោងតាមសេចក្តីរាយការណ៍ របស់ទំព័រសារព័ត៌មានបរទេស sciencespacerobots កាលពីពេលកន្លងទៅនេះ។
លើសពីនេះទៀត របាយការណ៍ដដែលក៏បានបន្ថែមអោយដឹងផងដែរថា ការធ្វើទៅបាននៃការថតរូបភពផែនដី នាពេលរាត្រីយ៉ាងល្អឥតខ្ចោះនេះ គឺជាសមិទ្ធផលស្នាដៃ នៃការថតរបស់ផ្កាយរណប Suomi NPP ។ គួររំឭកផងដែរថា ការថតរូបលើកនេះ តំបន់អាស៊ីអាគ្នេយ៍ក៏ត្រូវបានផ្តិតជាប់ផងដែរ ដែលនៅក្នុងនោះ ព្រះរាជាណាចក្រកម្ពុជាយើង មិនសូវជាមានពន្លឺនោះទេ មានតែនៅទីកុ្រងតែប៉ុណ្ណោះ ដោយឡែក បើយើងងាកក្រឡេកទៅមើល ឧបទ្វីបកូរ៉េវិញ មានភាពខុសគ្នាស្រឡះតែម្តង ដែលនៅក្នុងនោះ ប្រទេសកុម្មុយនីស្ត កូរ៉េខាងជើង ងងឺតសូន្យសុងពេលរាត្រីខណៈពេលដែលប្រទេសកូរ៉េខាងត្បូង ក៏កំពុងតែរីករាយជាមួយភ្លើងពណ៌ពេលរាត្រី
ដូច្នេះ ដើម្បីអោយជ្រាបកាន់តែច្បាស់ ថាតើ ទិដ្ឋភាពរួមនាពេលរាត្រីរបស់ពិភពលោក អស្ចារ្យយ៉ាងណានោះ តាមដានទស្សនានូវវីដេអូឃ្លីបខ្លីខាងក្រោមនេះ បន្តិចទៅ ៖
ដោយ ៖ រិទ្ធីប្រភព ៖ sciencespacerobots