អន្តរជាតិ ៖ យោងតាមគេហទំព័រសារព័ត៌មានបរទេស ដែលបានចេញផ្សាយ កាលពីអំឡុងសប្តាហ៍មុននេះ បានអោយដឹងថា បុរសមានទេពកោសល្យស្នាដៃខ្ពស់ វ័យ ៣០ ឆ្នាំម្នាក់ បានធ្វើអោយ Lamborghini លេចរូបរាងឡើង តាមរយៈការបំលែងរថយន្ត Mitsubishi Eclipse 2003។
គួរបញ្ជាក់ផងដែរថា បុរសវ័យ ៣០ ឆ្នាំរូបនោះ ជាជនជាតិ អ៉ុយក្រែន មានឈ្មោះថា Alexander នឹងមានទេពកោសល្យស្នាដៃខ្ពស់ ក្នុងការបំពេញក្តីស្រមៃរបស់ខ្លួន។ លោក Alexander ក៏បានបញ្ជាក់បន្ថែមផងដែរថាសមិទ្ធផលស្នាដៃមួយនេះ ក៏មានការជួយជ្រុំជ្រែងពីសំណាក់ក្រុមគ្រួសាររបស់គាត់ ក៏ដូចជាមិត្តភក្តិរបស់គាត់ផងដែរ។
យ៉ាងណាមិញ របាយការណ៍ដដែលក៏បានអះអាងផងដែរថា សមិទ្ធផលស្នាដៃថ្មីមួយនេះ ទម្រាំតែលេចចេញជារូបរាងឡើង ត្រូវបានចំណាយពេលដល់ទៅ ២ ឆ្នាំឯណោះ។ ដើម្បីអោយជ្រាបកាន់តែច្បាស់ថាតើ ដំណើរនៃការបំលែង Mitsubishi Eclipse 2003 ទៅជា Lamborghini បានយ៉ាងណានោះ ទស្សនាបណ្តារូបភាពមួយចំនួននៅខាងក្រោមនេះ បន្តិចទៅ ៖
ដោយ ៖ មង្គលប្រភព ៖ Asiaone