ព័ត៌មានអន្តរជាតិ ៖ បុរសជនជាតិអាមេរិក ដែលហ៊ានយកជីវិតទៅលលេងនឹងមាត់ទ្វារមច្ចុរាជបានប្រកាសអោយដឹងថា នេះគឺជាការដើរប្រថុយជីវិតជាលើកចុងក្រោយរបស់គាត់ ដើម្បីឧទ្ទិសដល់ជីតារបស់ខ្លួន ដែលបានស្លាប់កាលពីឆ្នាំ ១៩៧៨ ខណៈពេលដែលប៉ុនប៉ង ដើរប្រថុយជីវិតស្រដៀងគ្នានេះ នេះបើតាមអោយដឹងពីទំព័រសារព័ត៌មានបរទេស ស្កាយ ដែលទើបតែបានចេញផ្សាយកាលពីវេលាល្ងាចម្សិលមិញនេះ ។
គួររំឭកផងដែរថា បុរសដែលហ៊ានយកជីវិតទៅលលេងនឹងមាត់ទ្វារមច្ចុរាជរូបនោះមានឈ្មោះថា Nik Wallenda ជាជនជាតិអាមេរិក ហើយគាត់ត្រូវបានរកអោយឃើញថា ជារឿយៗតែងតែដើរលើខ្សែព្រ័ត្រ ដែលមានពេលខ្លះ គាត់ក៏មិនមានការបំពាក់នូវគ្រឿងការពារអោយបានគ្រប់គ្រាន់ថែមទៀតផង។
ដោយឡែក នាពេលនេះ បុរសជនជាតិអាមេរិក វ័យ ៣៤ ឆ្នាំរូបនេះ ត្រូវបានរកអោយឃើញសាជាថ្មីផងដែរថា គាត់ពិតជាហ៊ាននោះហ៊ាន ខណៈពេលដែលហ៊ានដើរសួព្រ័ត្រ នៅពីលើទន្លេLittle Colorado River ដែលមានកំពស់ដល់ទៅ ៤៥៧ មែត្រ ។ គួរបញ្ជាក់ផងដែរថា នៅក្នុងអំឡុងឆ្នាំ ២០១២ លោក Wallenda បានបំបែកឯកទគ្គកម្មក្នុងការដើរសួព្រ័ត្រ ពីលើទឹកធ្លាក់ Niagara Falls ដែលមានរយៈកំពស់ខ្ពស់ជាងគេបំផុត ក្នុងរយៈពេល ១១៦ ឆ្នាំចុងក្រោយនេះ៕
ដោយ ៖ ពិសិដ្ឋប្រភព ៖ ស្កាយ