ព័ត៌មានកីឡា៖ ជុំវិញបញ្ហា ដែលកំពុងតែមានគំនៀបសង្កត់ខ្លាំងមកលើលោក Louis Van Gaal ខណៈដែលទម្រង់នៃការដឹកនាំកាន់តែធ្លាក់ចុះធ្វើឲ្យក្លឹប Man United កាន់តែផ្អៀងខ្លួនមកក្រោមបន្ដិចម្ដងៗ លោក Harry Redknapp ស្រែកក្ដែងៗថា ស្ថានភាពពេលនេះ បើទោះបីជាលោក Sir Alex Ferguson ក៏មិនអាចសង្គ្រោះបានដែរ។
ក្លឹបបិសាចក្រហម Man United បានធ្លាក់ខ្លួនមកឈលើលំដាប់លេខរៀងទី ៥ក្នុងតារាង Premier League ក្រោយពេលមួយការប្រកួតចុងក្រោយត្រូវក្លឹប Southampton គៀបស៊ីក្នុងទឹកដីរបស់ខ្លួនក្រោមលទ្ធផលពិន្ទុ ០-១ ។ លទ្ធផលបង្ហាញបានធ្វើឲ្យលោក Louis Van Gaal ចង់ចាកចេញពីតំណែង ប៉ុន្ដែដោយសាមានការជ្រោមជ្រែងពីសំណាក់អនុប្រធានក្លឹប បន្ដឲ្យពិចារណាម្ដងទៀត មុននឹងសម្រេច។
លោក Harry Redknapp ប្រធានក្លឹបបាល់ទាត់ Wimborne Town និងជម្រើសជាតិ អង់គ្លេស មិនបាន ធ្វើការស្ដីបន្ទោសចំពោះលោក Louis Van Gaal អ្វីនោះទេ ដោយឡែកគាត់ក៏បានបញ្ជាក់ប្រាប់មកវិញថា ក្លឹប Man United បើទោះបីជាមាន លោក Sir Alex Ferguson ក៏មិនអាចលើកពាន Premier League បានឡើយក្នុងស្ថានភាពនេះ។
ដោយ៖ អឿ អ៊ុយ
ប្រភព៖ dailystar