ព័ត៌មានអន្តរជាតិ ៖ រូបថត ក៏ដូចជា វីដេអូអាសអាភាសរបស់មន្រ្តីចិនម្នាក់ មានឈ្មោះថា Lei Zhengfu ត្រូវបានរកឃើញ ខណៈពេលដែលមានការចែកចាយពេញពិភពអ៊ិនធើណេតនេះបើយោងតាមសេចក្តីរាយការណ៍ ដែលបានចេញផ្សាយដោយ ទំព័រសារព័ត៌មានបរទេសអាស៊ីវ័ន កាលពីប៉ុន្មានម៉ោងមុននេះ។
លើសពីនេះទៅទៀត របាយការណ៍ដដែលនេះ ក៏បានបញ្ជាក់បន្ថែម អោយដឹងផងដែរថា លោក Lei គឺជាលេខាធិការនៃគណៈកម្មការបក្សកុម្មុយនីស្តចិន ប្រចាំស្រុក Beibei ក្រុង Cho-ngqing ភាគខាងត្បូងឆៀងខាងលិច ប្រទេសចិន។ មិនត្រឹមតែប៉ុណ្ណោះ លោកត្រូវបានចោទប្តឹង ពីបទលួចមានស្រីកំណាន់ស្ងាត់ៗថែមទៀតផង។
គួរបញ្ជាក់ផងដែរថា ទំព័រសារព័ត៌មានដដែលនេះ ក៏បានស្រង់យកនូវមតិរិះគន់ ក៏ដូចជាពាក្យចចាមអារ៉ាមនៅក្នុងប្រព័ន្ធអ៊ិនធើណេតផងដែរថា ស្រីកំណាន់របស់មន្រី្តចិនរូបនោះ ប្រហែលជា លេខារបស់គាត់ផ្ទាល់ ដែលនាងមានវ័យទើបតែ ១៨ ឆ្នាំ៕
ដោយ ៖ រិទ្ធីប្រភព ៖ អាស៊ីវ័ន