សោកនាដកម្ម បាក់រលំអាគាររោងចក្រ កំពស់ ៨ ជាន់ សម្លាប់មនុស្សច្រើនជាង ៨០០ នាក់ហើយ

បង់ក្លាដេស្ស ៖ ដោយយោងតាមការដកស្រង់អត្ថបទផ្សាយ  ពីគេហទំព័រសារព័ត៌មានបរទេស CNN ដែលទើបតែបានចេញផ្សាយ អំឡុងថ្ងៃទី ៩ ឧសភា នេះបានបញ្ជាក់អោយដឹងថា មកទល់នឹងពេលនេះ ចំនួនអ្នកដែលបានស្លាប់បាត់បង់ជីវិត បានកើនដល់ ៨២៣ នាក់ហើយ  បន្ទាប់ពីមានគ្រោះឧបទ្ទេវហតុ  បាក់រលំអាគាររោងចក្រកំពស់   ៨ ជាន់ កាលពី ២សប្តាហ៍កន្លងទៅនេះ នាភាគកណ្តាលទីក្រុងដាកា ប្រទេសបង់ក្លាដេស្ស។

លើសពីនេះ ​ ប្រភពសារព័ត៌មានដដែលបន្ថែមថា​  មនុស្សជាង ២៤០០ នាក់ត្រូវបានជួយសង្គ្រោះ  ខណៈពេលដែលប្រតិបត្តិការរុករកសាកសពនៅតែបន្តមាន ដោយប្រើនូវគ្រឿងចក្រធំៗ។

គួររំឭកផងដែរថា   បុគ្គលិកស្ម័គ្រចិត្តពីររូប  បានស្លាប់បាត់បង់ជីវិត  ខណៈចេញប្រតិបត្តិការជួយសង្គ្រោះរបស់ខ្លួន។ យ៉ាងណាមិញ បើតាមប្រភពសារព័ត៌មានបរទេសភាគច្រើន បានលើកឡើងថា​ ឧបទ្វេវហេតុបាក់រលំអាគាររោងចក្រកំពស់   ៨ ជាន់ លើកនេះ វាគឺជាសោកនាដកម្មឧស្សាហកម្ម សម្លាប់មនុស្សអាក្រក់បំផុត នៅក្នុងទំព័រប្រវត្តិសាស្រ្ត បណ្តាប្រទេសនៅក្នុងតំបន់អាស៊ីភាគខាងត្បូង៕

ដោយ ៖ រិទ្ធីប្រភព ៖ CNN