ព័ត៌មានអន្តរជាតិ ៖ បើយោងតាមរបាយការណ៍ដែលបានផ្តល់ដោយសារព័ត៌មាន Xinhua បានបញ្ជាក់អោយដឹងថា ស្ថានទូតចិនប្រចាំក្រុង Jarkata បានធ្វើសេចក្តីប្រកាសកាលពីថ្ងៃទី ៣ តុលា នាប៉ុន្មានម៉ោងមុននេះ អោយដឹងថា មនុស្ស ៤ នាក់ក្នុងនោះមានអ្នកទេសចរចិន ៣ នាក់ត្រូវបានស្លាប់បាត់បង់ជីវិត ក្នុងឧបទ្ទេវហេតុ គ្រោះថ្នាក់ចរាចរណ៍មួយដែលកើតឡើង ភាគខាងលិចប្រទេស ឥណ្ឌូណេស៊ី
លើសពីនេះទៅទៀត បើយោងតាមសម្តីលោក Andy Zhu ដែលជាមន្រ្តីផ្លូវការទទួលបន្ទុកខាងចរាចរណ៍ផ្លូវគោក បានបញ្ជាក់បន្ថែមអោយដឹងផងដែរថា រថយន្តទេសចរណ៍មួយនេះធ្វើដំណើរចេញពីទីក្រុង Bandung ឆ្ពោះទៅកាន់រមណីយដ្ឋានមាត់សមុទ្រ លុះពេលមកដល់កន្លែងកើតហេតុ អ្នកបើកបរបានបាត់បង់ម្ចាស់ការក្នុងការបញ្ជារថយន្ត ហើយក៏បានក្រឡាប់តែម្តង ដោយបានសម្លាប់មនុស្ស ៤ នាក់ក្នុងនោះរួមមាន ៖ អ្នកទេសចរចិន ៣ នាក់ នឹងជនជាតិឥណ្ឌូណេស៊ីម្នាក់ផ្សេងទៀត។
គួររំឮកផងដែរថា រថយន្តដែលជួបនឹងឧបទ្ទេវហេតុមួយនេះ ត្រូវបានរកអោយឃើញថា ដឹកអ្នកទេសចរណ៍ ១៩ នាក់ ដែលមកពីប្រទេសចិន នឹងកោះតៃវ៉ាន់ ហើយបើនិយាយពីមូលហេតុដែលបានធ្វើអោយមានគ្រោះថ្នាក់បែបនេះ ត្រូវបានភ្នាក់ងារមានសមត្ថកិច្ច អះអាងជាជំហានដំបូងថា មកពីរថយន្ថមួយគ្រឿងនោះដាច់ហ្រ្វាំង៕
ដោយ ៖ រិទ្ធីប្រភព ៖ likenews