ទីក្រុងភ្យុងយ៉ាង បានធ្វើការព្រមាន កាលពីថ្ងៃអង្គារ ម្សិលមិញថា កូរ៉េខាងត្បូងនឹងត្រូវប្រឈរមុខនឹងវិនាសកម្មដ៏ធ្ងន់ធ្ងរ ប្រសិនបើទីក្រុងសេអូល និងសម្ព័ន្ធមិត្តរបស់ខ្លួនសហរដ្ឋអាមេ នៅតែបន្តការឈ្លានពានប្រឆាំងនឹងកម្មវិធីផលិតគ្រាប់កំាជ្រួចនុយក្លែអែរ របស់កូរ៉េខាងជើង។
កូរ៉េខាងជើង និងកូរ៉េខាងត្បូង បានបើកកិច្ចប្រជុំពិភាក្សាគ្នាមួយ ក្នុងវេទិកាអង្គការសហប្រជាជាតិនៅក្នុងទីក្រុង Geneva ដែលផ្តោតសំខាន់ទៅលើបញ្ហាការគ្រប់គ្រងអាវុធលើសាកលលោក ដោយសារតែ កូរ៉េខាងជើង បានធ្វើការ បាញ់សាកល្បងនូវគ្រាប់កាំជ្រួចនុយក្លែអែរ ដែលមានរយៈចំងាយឆា្ងយកាលពីសប្តាហ៍មុន។
ការព្រមាននេះបានធ្វើឡើង បន្ទាប់ពីកូរ៉េខាងត្បូង និងសហរដ្ឋអាមេរិច តែងតែធ្វើការប្រឆាំងនឹងកម្មវិធីផលិតគ្រាប់កាំជ្រួចនុយក្លែអេររបស់កូរ៉េខាងជើង និងថ្កោលទោស ដាក់ទណ្ឌកម្មលើកូរ៉េខាងជើង៕
ដោយ៖ វណ្ណៈ ប្រភព៖ channelnewsasia