ចិន៖ តាមការអោយដឹងពីគេហទំព័រ telegraph ដែលបានចុះផ្សាយ កាលពីពេលថ្មីៗនេះថានៅប្រទេសចិនឯណ្ណោះវិញ កូនក្រមុំរបស់ប្រធានក្រុមហ៊ុនម្នាក់ បានរៀបការ ដោយមានជំនូន (ថ្លៃទឹកដោះ) ដល់ទៅ ១០០លានដុល្លារ។
លោក Wu Duanbiao ជាប្រធានក្រុមហ៊ុន Fujian Wanli Group ប្រចាំក្នុងខេត្ដ Quanzhouបានរៀបការ កូនស្រីរបស់លោក ដែលមិនត្រូវបានគេបញ្ចេញឈ្មោះ អោយទៅលោក Xu ដែលមានមុខងារ ជាមន្ដ្រីជាន់ខ្ពស់ ក្នុងជួររដ្ឋាភិបាលនៃប្រទេសចិន។
ទោះបីជាយ៉ាងណាក៏ដោយ ពិធីមង្គលការនេះ បាននឹងកំពុងរៀបចំ ក្នុងរយៈពេល ៨ថ្ងៃពោលគឺទៅតាមទំនៀមទំលាប់ នៃប្រទេសចិន ដែលមានតាំងពីបុរាណកាល។ មង្គលការនេះ ត្រូវបានរៀបចំឡើងតាំងពីថ្ងៃទី ២៨ ខែធ្នូ ឆ្នាំ ២០១២ នៅក្នុងទីក្រុង Cizao នៃខេត្ដFujian ។
គួររំលឹកផងដែរថា ជាមួយនឹងជំនូនការដ៏ថ្លៃបែបនេះ លោក Wu ក៏បានចែកទ្រព្យសម្បត្ដិអោយកូនរបស់គាត់ នូវរបស់របរមួយចំនួនវិញដែរ ក្នុងនោះ មានដូចជា រថយន្ដ Mercedes-Benz មួយគ្រឿង ហាងកាត់សម្រៀកបំពាក់ដ៏ធំមួយ និងមាសប្រាក់ជាច្រើនទៀត ដែលមិនអាចកាត់ថ្លៃបានផងដែរ។
គួររំលឹកផងដែរថា បន្ទាប់ពីលោក Wu បានទទួលជំនូនការ ដ៏ច្រើនសន្ធឹកសន្ធាប់បែបនេះ ធ្វើអោយមនុស្សជាច្រើន និងអ្នកសារពត៌មានទាំងអស់ យល់ថា កូនស្រីរបស់លោក ស្ទើរតែក្លាយជានារីទី១ ដែលទទួលបានជំនូនការច្រើនបំផុត លើពិភពលោក ពីគ្រួសារខាងប្ដី៕
ដោយ៖ វត្ដីប្រភព៖ telegraph