ម៉ាឡេស៊ី ៖ ក្មេងស្រីដែលជាសិស្សសាលាវ័យ ១៦ ឆ្នាំម្នាក់ ឈ្មោះ K. Shalini ត្រូវបានរកអោយឃើញថា ស្ទើរក្ស័យសង្ខារ បន្ទាប់ពីច្រឡំផឹកទឹក សម្អាតឥដ្ឋ នៅក្នុងផ្អះបាយរបស់នាង វេលាម៉ោង ២ រំលងអធ្រាត្រ នេះបើតាមការដកស្រង់ព័ត៌មាន ដែលបានចេញផ្សាយដោយទំព័របរទេស អាស៊ីវ័ន ។
គួរបញ្ជាក់ផងដែរថា ករណីខាងលើនេះបានកើតឡើងនៅក្នុងតំបន់ Simpang Ampat ប្រទេសម៉ាឡេស៊ី ។ លើសពីនេះទៅទៀត ប្រភពសារព័ត៌មានដដែលបន្ថែមថា ដើមហេតុដែលធ្វើអោយនាងច្រឡំផឹកទឹក សម្អាតឥដ្ឋ ក៏ព្រោះតែមា្តយរបស់គេ ឈ្មោះ Thanaletchumi បានច្រកវាទុកក្នុងដបដោយគ្មានបិទស្លាកសញ្ញាសំគាល់។
ភ្លាមៗនោះ កាលដែលយុវតីវ័យ ១៦ ឆ្នាំ បានផឹកទឹកនោះហើយ នាងក៏បានដួលសន្លប់មួយរំពេច បន្ទាប់ពីបានឈឺក ជាខ្លាំង និងពិបាកដកដង្ហើម។ តែដោយសារតែ បងស្រីនាងបាននាងដួលសន្លប់ហើយនោះ នាងក៏បានប្រញាប់ប្រញាល់បញ្ជូនទៅកាន់មន្ទីរពេទ្យ ដើម្បីធ្វើការសង្គ្រោះបន្ទាន់។ សំណាងល្អ ការបញ្ចូនមកកាន់មន្ទីរពេទ្យបានទាន់ពេលវេលា ក្រុមវេជ្ជបណ្ឌិត បានជួយសង្គ្រោះនាងពីមាត់ទ្វារមច្ចុរាជ ដោយមកទល់នឹងពេលនេះ នាងគ្រាន់តែមានស្ថានភាពរាងធ្ងន់បន្តិចតែប៉ុណ្ណោះ៕
ដោយ ៖ ពិសិដ្ឋប្រភព ៖ អាស៊ីវ័ន