ព័ត៌មានអន្តរជាតិ ៖ ច្រើនជាង១០,០០០ ក្បាលនៃអណ្តើករស់ដ៏កម្រ ត្រូវបានរកឃើញនៅក្នុងវ៉ាលីដាក់ឥវ៉ាន របស់អ្នកធ្វើដំណើរ ពីររូប នៅឯអាកាសយានដ្ឋានអន្តរជាតិ Netaji Subhas Chandra Bose ( Netaji Subhas Chandra Bose International airport ) មានទីតាំងស្ថិតនៅក្នុងក្រុងKolkata ប្រទេសឥណ្ឌា នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស ស្កាយ ។
គួរបញ្ជាក់ផងដែរថា អ្នកដំណើរពីររូប ដែលមានសញ្ជាតិ្តជាជនជាតិឥណ្ឌានោះ ត្រូវបានក្រុមសមត្តកិច្ចប្រចាំអាកាសយានដ្ឋានអន្តរជាតិនេះ ធ្វើការចាប់ឃាត់ខ្លួនហើយ បន្ទាប់ពីបានរកឃើញ កូនអណ្តើតតូចៗដ៏កម្រជាង ១០,០០០ ក្បាល លាក់ និងវេចខ្ចប់នៅក្នុងវ៉ាលីដាក់ឥវ៉ាន់របស់ពួកគេ។
យ៉ាងណាមិញ បើយោងតាមសម្តីលោក Nabnit Kumar ជាជំនួយការផ្ទាល់ អគ្គស្នងការបានអះអាង បន្ថែម អោយដឹងថា បន្ទាប់ពីបានរកឃើញ នូវកូនអណ្តើក ដល់កម្រទាំង ១០,០៤៣ ក្បាលនោះហើយ ពួកយើងក៏បានធ្វើការរឹបអូស និង ធ្វើការចាប់ឃាត់ខ្លួនជនសង្ស័យរត់ពន្ធសត្វខុសច្បាប់ទាំងពីរនាក់នោះតែម្តង បន្ទាប់ពីគេបានធ្វើដំណើរតាមជើងយន្តហោះ ដោយចាកចេញពីប្រទេសចិន ទៅសឹង្ហបុរី និង ចុះចតនៅអាកាសយានដ្នានអន្តរជាតិមួយនេះ។
ដោយឡែក បើតាមសេចក្តីរាយការណ៍ ពី World Wildlife Fund អោយដឹងថា ស្ទើរតែគ្រប់ពូជសត្វកន្ធាយ និង អណ្តើកសមុទ្រ ត្រូវបានចាត់ចូលជាសត្វប្រឈមនឹងការផុតពូជ ក៏ដូចជាមានហានិភ័យខ្ពស់ក្នុងការគ្រោះថ្នាក់ ព្រោះតែសកម្មភាពមនុស្ស៕
ដោយ ៖ ពិសិដ្ឋប្រភព ៖ ស្កាយ