អន្តរជាតិ៖ Space X ទទួលបានជោគជ័យ ខណៈពេលដែលបានពិសោធន៍ទៅលើការចុះចតរបស់រ៉ុកកែតមួយ មានឈ្មោះថា Grassshopper នេះបើយោងតាមសេចក្តីរាយការណ៍ព័ត៌មានរបស់គេហទំព័របរទេស telegraph ។
គួរបញ្ជាក់ផងដែរថា ការពិសោធន៍ក្នុងការចុះចតរ៉ុកកែតបញ្ឈរ ដោយទទួលបានជោគជ័យលើកនេះ ត្រូវបានធ្វើឡើងដោយ ក្រុមហ៊ុនឯកជនជំនាញវិស្វកម្មលំហអាកាសមួយ នៅឯក្រុង McGregor រដ្ឋ Texas សហរដ្ឋអាមេរិក។
រ៉ុកកែត ដែលមានឈ្មោះថា Grassshopper ត្រូវបានដំណើរការដោយបានបំពាក់នូវ Falcon 9 rocket ក៏ដូចជា ម៉ាស៊ីន Merlin 1D ខណៈពេលដែលវាមានកំពស់ដល់ទៅ ៤០ ម៉ែត្រ ត្រូវបានរកអោយឃើញថា បានសំកាំងខ្លួននៅលើអាកាស កំពស់ប្រមាណជាង៦ ហ្វឺត មុននឹងធ្វើការពិសោធន៍ចុះចត ដោយសុវត្ថិភាពដោយប្រើបច្ចេកទេសបញ្ជា loop thrust vector និង throttle control ។
គួររំឭកផងដែរថា SpaceX ក៏កំពុងតែធ្វើការអភិវឌ្ឍន៍នូវរ៉ុកកែត ដែលអាចប្រើឡើងវិញបាន ដើម្បីជាការកាត់បន្ថយនូវរាល់ការចំណាយផ្សេងៗ។ បើនិយាយពីភ្នាក់ងារលំហអាកាសសហរដ្ឋអាមេរិកណាសា មិនទាន់មាននូវរ៉ុកកែតដែលអាចប្រើប្រាស់ឡើងវិញបាននៅឡើយទេ ៕
ដោយ ៖ រិទ្ធីប្រភព ៖ telegraph