អន្តរជាតិ ៖ យ៉ាងហោចណាស់ មនុស្សជាង ៣០០ នាក់ បានរងរបួសបន្ទាប់ពីមានឧបទ្ទេវហេតុផ្លូវដែក ពោលគឺ រថភ្លើងបុកគ្នានៅអាហ្វ្រិកខាងត្បូង នេះបើតាមការអោយដឹងពីទំព័រសារព័ត៌មានបរទេស yahoo ដែលទើបតែបានចេញផ្សាយកាលពីពេលកន្លងទៅ។
លើសពីនេះទៅទៀត ប្រភពដដែលបន្ថែមថា ការដាច់ខ្សែកាបលើផ្លូវដែកប្រហែលជាប្រភពនៃការបុកគ្នារវាង រថភ្លើង២ខ្សែរត់តំបន់ជាយក្រុងប្រេតូរីយ៉ាដែលបណ្តាលអោយមនុស្សជាង៣០០នាក់ ត្រូវរបួសកាលពីព្រឹកថ្ងៃទី ៣១ មករា ដោយក្នុងចំណោមអ្នករបួសទាំងនោះមានកុមារជាច្រើននាក់ដែលចេញ ទៅសាលារៀន ។
គួរបញ្ជាក់ផងដែរថា បើយោងតាមសម្តី អ្នកទទួលខុសត្រូវម្នាក់នៃភ្នាក់ងារសង្គ្រោះបន្ទាន់និយាយថា អ្នករងគ្រោះភាគច្រើនជាមនុស្សពេញវ័យក៏ប៉ុន្តែក៏មាន កុមារជាច្រើននាក់ដែរ ។ យើងរាប់ឃើញកុមារយ៉ាងតិច៥០នាក់ក្នុងចំណោមអ្នកត្រូវ របួស។ រថភ្លើងទាំង២ដែលបុកគ្នាមានមនុស្សជិះពេញព្រោះពេលម៉ោង ចេញទៅធ្វើការ និងទៅសាលា។ អ្នកបើករថភ្លើងមួយកៀបជាប់នៅក្បាលរថភ្លើងរួចត្រូវគេកាត់ គាស់ទាញយកចេញ ៕
ដោយ ៖ រិទ្ធីប្រភព ៖ yahoo