បុរសសង្ហាខ្លាំង រហូតដល់ត្រូវនិរទេសចេញ ពីប្រទេស បានមកដល់ វៀតណាម (មានវីដេអូ)

កាលពីវេលាម៉ោង ១១ ព្រឹក ថ្ងៃទី ១១ ខែ កញ្ញានេះ បុរសសង្ហា ដែលត្រូវរដ្ឋាភិបាល និរទេសខ្លួនចេញពីប្រទេសរបស់ខ្លួន ដែលកំពុងរស់នៅ ដោយហេតុផលថា មកពីសង្ហាពេក គឺលោក Omar Borkan Al Gala បានបង្ហាញខ្លួន នៅព្រលានយន្តហោះ ទិនសឺនញឹត នៅទីក្រុង ហូជីមិញ ប្រ-ទេស វៀតណាម។ ជាក់ស្តែង ប្រហែលជា មកពីគាត់មានភាពហត់នឿយខ្លាំងហើយមើលទៅបានជា រូបរាងមុខមាត់ខាងក្រៅរបស់គាត់ មិនស្អាតសង្ហាខ្លាំងដូចនៅក្នុងរូបភាព ក្នុងសារព័ត៌មាននោះទេ។

អ្នកគាំទ្រជាច្រើននាក់ បានមករង់ចាំទទួល ការមកដល់របស់ Omar នៅព្រលានយន្តហោះ

Omar មានភាពរួសរាយរាក់ទាក់ និងបានបង្ហាញពីភាពស្និទ្ធស្នាល ជាមួយអ្នកគាំទ្រ

Omar តែងតែបញ្ចេញនូវស្នាមញញឹម ជាមួយនឹងសម្លៀកបំពាក់ សាមញ្ញ

Omar ស្ថិតក្នុងចំណោម អ្នកសារព័ត៌មាន

រយះពេលស្ថិតក្នុងប្រទេសវៀតណាម ប្រុសសង្ហា ដែលត្រូវនិរទេសចេញពីប្រទេសនេះ នឹងចូលរួមក្នុងពិធីដេញថ្លៃ សប្បុរសធម៌មួយផងដែរ។ ផ្នែកមួយ ក្នុងចំណោមផ្នែកមួយចំនួនទៀត ក្នុងពិធីដេញថ្លៃនោះ គឺការញ៉ាំអាហារពេលយប់មួយពេល ដោយផ្ទាល់ជាមួយប្រុសសង្ហា Omar សំរាប់មនុស្សម្នាក់។ នៅថ្ងៃទី ១២ ខែ កញ្ញា Omar នឹងចូលទៅសួរសុខទុក្ខអ្នកជំងឺ នៅមន្ទីរពេទ្យពីរ។ នៅថ្ងៃទី ១៣ ខែ កញ្ញា Omar នឹងញ៉ាំអាហារថ្ងៃត្រង់ ជាមួយនឹងមនុស្ស ១៣នាក់ ដែលមិនទាន់បង្ហើបឲ្យដឹង ថាជាអ្នកណាខ្លះ នៅឡើយទេ។ នៅក្នុងយប់ថ្ងៃដដែលនោះ Omar រួមជាមួយតារាៗជនជាតិវៀត -ណាម មួយចំនួនទៀត នឹងចូលរួមសម្តែងក្នុងកម្មវិធីមួយ នៅទីក្រុង ហូជីមិញ ផងដែរ៕