គ្រោះថ្នាក់ ៖ បើយោងតាមរបាយការណ៍ ដែលបានចេញផ្សាយដោយគេហទំព័រសារព័ត៌មានបរទេស ដេលីម៉ែល នាពេលកន្លងទៅថ្មីៗនេះ អោយដឹងថា លោកយាយជនជាតិចិន ដែលមានជម្ងឺខាងសតិ ត្រូវបានរកអោយឃើញថា យកកូនកាំបិទចាក់ដោតចំលលាដ៍ក្បាលរបស់ខ្លួនឯង។
លើសពីនេះទៅទៀត របាយការណ៍ដដែលបានបញ្ជាក់បន្ថែមអោយដឹងផងដែរថា លោកយាយដែលមានសតិមិនល្អរូបនេះ មានឈ្មោះថា Zhang Lan ជាពលរដ្ឋរស់នៅខេត្ត Gansu ភាគពាយព្យប្រទេសចិន ហើយនាពេលថ្មីនេះត្រូវបានរកអោយឃើញថាគាត់បានយកកូនកាំបិទចាក់ដោតលលាដ៏ក្បាលខ្លួនឯង ខណៈពេលដែលសមាជិកក្រុមគ្រួសាររបស់គាត់ មិនបានតាមដានអោយបានជាប់។
ភ្លាមៗនោះ លោកយាយក៏ត្រូវបានបញ្ជូនទៅកាន់មន្ទីរពេទ្យ Lanzhou ដើម្បីធ្វើការសង្គ្រោះបន្ទាន់ តែសំណាងល្អ ក្រុមវេជ្ជបណ្ឌិត បានប្រឹងប្រែងអោយអស់ពីលទ្ទភាពក្នុងការវះកាត់យកចេញនូវកាំបិទ ដែលដោតជាប់ទៅនឹងលលាដ៏ក្បាលរបស់គាត់ ជម្រៅ ៥ អ៊ីង (inch) ដោយទទួលបានជោគជ័យ ដែលក្រោយមកត្រឹមតែរយៈពេល ៥ ថ្ងៃ គាត់ក៏អាចត្រលប់ទៅសម្រាកនៅផ្ទះវិញបានជាធម្មតា៕
ដោយ ៖ រិទ្ធីប្រភព ៖ Happens