ព័ត៌មានអន្តរជាតិ ៖ ត្រីចម្លែក Halibut ធំជាងសព្វមួយដង ដល់ទៅ ៣ ដង និង មានទម្ងន់ដល់ទៅ ៧០ គក ត្រូវបានក្រុមអ្នកនេសាទប្រមាញ់ជាប់នៅឯ ឈូងសមុទ្រ កោះ Shetland ចក្រភពអង់គ្លេស នេះបើយោងតាមសេចក្តីរាយការណ៍ព័ត៌មាន ពីគេហទំព័របរទេស top-newstoday ដែលទើបតែបានធ្វើការចេញផ្សាយកាលពីវេលាមុននេះ។
ប្រភពសារព័ត៌មានដដែល បន្ថែមអោយដឹងផងដែរថា ត្រីដ៏ធំមួយនេះ ត្រូវបានគេជឿថា មានអាយុដល់ទៅ ៥០ ឆ្នាំ ។ ដោយឡែក បើយោងតាមសម្តីលោក John Macleod ដែលត្រូវជាម្ចាស់ភោជនីយដ្ឋានគ្រឿងសមុទ្រមួយកន្លែង មានស្លាកយីហោឈ្មោះ Crabshakk បានអះអាងអោយដឹងថា ត្រីដ៏ធំមួយនេះ អាចបម្រើជូនភ្ញៀវបានដល់ទៅ ៣០០ នាក់ នេះបើតាមការរំពឹងទុក បន្ទាប់ពីគាត់ បានទទួលទិញវា ពីអ្នកនេសាទ ក្នុងតម្លៃទឹកប្រាក់ £1,000។
បន្ទាប់ពីមានការសន្មត់ថា ត្រីដ៏ធំមួយនេះ មានអាយុកាលដល់ទៅ ៥០ ឆ្នាំ ប្រភពសារព័ត៌មានដដែលក៏បានបញ្ជាក់បន្ថែមថា វាគឺជាត្រីដ៏ធំជាងគេមួយ ដែលត្រូវបានប្រមាញ់បានក្នុងរយៈពេលប៉ុន្មានឆ្នាំចុងក្រោយនេះ ស្របពេលដែលវាមានទម្ងន់ដល់ទៅ ៧០ គក និងជាត្រី Halibut ធំជាងគេលើលោក ខណៈវាមានប្រវែងដល់ទៅ ៤ ម៉ែត្រជាងឯណោះ៕
ដោយ ៖ រិទ្ធីប្រភព ៖ topnewstoday