អន្តរជាតិ ៖ តាមការអោយដឹងពីគេហទំព័រសារព័ត៌មានបរទេស ស្កាយ ដែលទើបតែបានចេញផ្សាយនាប៉ុន្មានម៉ោងមុននេះ បានបញ្ជាក់អោយដឹងថា មានបាឡែនយក្សមួយ មិនដឹងជាមានកំហឹងជាមួយនិងទូកអ្នកនេសាទតាំងពីពេលណានោះទេ មានពេលមួយនោះ ស្រាប់តែផុសខ្លួនចេញពីផ្ទៃទឹក មកសង្កត់លើទូកអ្នកនេសាតរហូតដល់លិចតែម្តង។
គួរបញ្ជាក់ផងដែរថា ក្រោយពីបានកើតមានឡើងនូវគ្រោះថ្នាក់ ដែលបានបង្កចេញពីកំហឹងបាឡែនយក្សមួយក្បាលនេះ បានបណ្តាលអោយបុរស៣ នាក់ ដែលជាអ្នកនេសាទរបួស ក្នុងនោះម្នាក់មានរបួសធ្ងន់ ស្របពេលដែលហេតុការណ៍មួយនេះ បានកើតឡើងនៅក្នុងមហាសមុទ្រអាហ្រ្វិកខាងត្បូង ជិតនឹងកំពង់ផែ Elizabeth ។
ភ្លាមៗនោះ ក៏មានការអន្តរាគមន៍ពីសំណាក់អ្នកជំនាញខាងជួយសង្រ្គោះលើដែនទឹកមកពីវិទ្យាស្ថានជាតិជួយសង្រ្គោះលើដែនទឹក ដោយបានស្រង់បុរស ៣ នាក់នោះចេញពីផ្ទៃទឹក ស្របពេលដែលបុរសម្នាក់ ដែលបានរងរបួសធ្ងន់ជាងគេនោះ ត្រូវបានបញ្ជូនទៅកាន់មន្ទីរពេទ្យ ដើម្បីធ្វើការសង្រ្គោះបន្ទាន់ រីឯបាឡែនយក្យនោះវិញ ក៏បានគេចខ្លួនចូលទៅក្នុងមហាសាគរវិញផងដែរ៕
ដោយ ៖ រិទ្ធីប្រភព ៖ Sky