បុរសសង្ហាជនជាតិអារ៉ាប់ បានឲ្យដឹងថា រឿងដែលគាត់ត្រូវបានគេនិរទេសចេញពីប្រទេស ដោយហេតុផលថា គាត់សង្ហាខ្លាំងពេកនោះ គ្រាន់ជាការយល់ច្រឡំប៉ុណ្ណោះ។
កាលពីយប់ម្សិលមិញ (11/9) នៅក្នុងពិធីដេញថ្លៃមួយ ដើម្បីសប្បុរសធម៌ នៅឯទីក្រុង ហូជីមិញប្រទេសវៀតណាម Omar Borkan Al Gala បានផ្តល់បទសម្ភាសន៍ខ្លីមួយ ដល់កាសែតរបស់វៀតណាម VnExpress ជុំវិញនឹង ព័ត៌មានចចាមអារាមដែលថា គាត់ធ្លាប់ត្រូវបានគេ និរទេសចេញពី Arab Saudi ដោយសារតែ សង្ហាខ្លាំងពេក។
នៅក្នុងការផ្តល់បទសម្ភាសន៍ នៃបញ្ហានេះ Omar បានធ្វើការបកស្រាយថា រឿងនេះ គ្រាន់តែជាការយល់ច្រឡំតែប៉ុណ្ណោះ ពោលគឺគាត់មិនដែលត្រូវបានគេ និរទេសចេញពីប្រទេស ដោយសារតែហេតុផល មកពីសង្ហាខ្លាំងនោះទេ។
ខ្ញុំបានបកស្រាយច្បាស់លាស់ហើយ ស្តីពីបញ្ហានេះ នៅលើកាសែត មុននេះពីរបីខែមុន។ រឿងទាំងអស់ គឺគ្រាន់តែជាការយល់ច្រឡំប៉ុណ្ណោះ។ ពេលនោះ ខ្ញុំកំពុងតែដើរលេង ក្នុងពិធីបុណ្យមួយ ហើយខ្ញុំបានដើរច្រឡំចូលទៅកាន់កន្លែងមួយ មិនត្រូវពេលវេលា ទើបត្រូវគេចាប់ចេញមកក្រៅ។ ប៉ុន្តែតាមបណ្តាព័ត៌មាននៅលើអ៊ីនធែណេត, Facebook, Twitter បានចុះផ្សាយ ក៏ដូចជាចែករំលែក និយាយបន្ថែមបន្ថយ ហួសពីការពិត។ បើទោះជា ខ្ញុំខិតខំ ប្រឹងបកស្រាយការពិតយ៉ាងណា ក៏មិនអាចឈ្នះកំលាំង ព័ត៌មានតពីមួយ ទៅមួយ រីកសាយពាសពេញ អ៊ីនធឺណេតបានដែរ។ ទន្ទឹមនឹងនោះ ពេលខ្ញុំបកស្រាយ ក៏មិនសូវមានអ្នកជឿខ្ញុំដែរ។ ដោយខ្ញុំរវល់ខ្លាំង ជាមួយនឹងការងារផង ទើបបណ្តោយតាមនោះទៅ។ មួយរយះពេលក្រោយមក ខ្ញុំក៏បាន បញ្ចេញប្រតិកម្ម និយាយបកស្រាយច្បាស់លាស់ គ្រប់រឿងទាំងអស់ លើទំព័រសារព័ត៌មានផ្សេងៗ។ Omar និយាយបញ្ជាក់ប្រាប់ អ្នកសារព័ត៌មាន VnExpress ។
សព្វថ្ងៃនេះ បុរសសង្ហា Omar បានជ្រើសរើសរស់នៅ ប្រទេសកាណាដា។ ដល់ពេលអ្នកសារព័ត៌មាន VnExpress សួរថា ហេតុអ្វីបានជាលោក បែរជាទៅរស់នៅប្រទេស កាណាដា? បុរសសង្ហា Omar បានឆ្លើយតបសំណួរនេះថាៈ ខ្ញុំកើតនៅប្រទេស Iraq, ពេលវេលាមួយភាគធំរបស់ខ្ញុំ គឺបានធំធាត់នៅ Dubai។ ប៉ុន្តែក្រោយមក ខ្ញុំបានសង្កេតឃើញថា កាណាដា គឺជាកន្លែងដ៏អស្ចារ្យមួយដើម្បី អភិវឌ្ឍអាជីពរបស់ខ្ញុំ។ ខ្ញុំបានជ្រើសរើសប្រទេសនេះ ដើម្បីរស់នៅ។ ខ្ញុំក៏មានសញ្ជាតិ កាណាដា ហើយរឿងនេះ ក៏បានជួយខ្ញុំ មានភាពងាយស្រួល ទេសចរ នៅតាមបណ្តាប្រទេសជាច្រើន លើពិភពលោក ជាងមុនផងដែរ ៕
ព័ត៌មានអន្តរជាតិ ដ៏គួរអោយចាប់អារម្មណ៍មួយចំនួនផ្សេងទៀត ៖
- ក្មេងប្រុសតូច ដែលត្រូវបានគេ ខ្វេះភ្នែកចេញ អាចនឹងមើលឃើញសាជាថ្មី បើការវះកាត់ទទួលបានជោគជ័យ- រត់រកពេទ្យជួយ ខណៈខ្លួនឡើងពណ៌ បៃតង ក្រោយឆីខ្យងទន្លេ មិនសំចៃដៃ- ខ្លោចចិត្ត ៖ ៤៤ នាក់ស្លាប់ ក្នុងនោះមានទាំង ទារកតូចៗ ក្រោយរថយន្តប៊ើស បោលចូលជ្រោះជ្រៅ
តាមដានព័ត៌មានអន្តរជាតិ ដ៏គួរឲ្យចាប់អារម្មណ៍ ជាច្រើនទៀត សូមចុចត្រង់នេះ !!!
ដោយ៖ សិលាប្រភព៖ VnExpress