ព័ត៌មានអន្តរជាតិ ៖ ក្មេងស្រីម្នាក់ វ័យ ៥ ឆ្នាំ មកពីរដ្ឋ New Orleans សហរដ្ឋអាមេរិក ត្រូវបានរកអោយឃើញថា បានស្លាប់បាត់បង់ជីវិត នៅក្នុងបន្ទប់គេងរបស់នាង កាលពីថ្ងៃអាទិត្យកន្លងទៅនេះ បន្ទាប់ពីក្រុមភ្នាក់ងារជំនាញអះអាងថា នាងបាញ់សម្លាប់ខ្លួនឯងដោយអចេតនា បន្ទាប់ពីបានប្រទះឃើញ និងកាន់លេងកាំភ្លើង នេះបើតាមការដកស្រង់អត្ថបទផ្សាយ ពីគេហទំព័រសារព័ត៌មាន បរទេស CNN ដែលទើបតែ បានធ្វើការចេញផ្សាយមុននេះបន្តិច។
ករណីនេះ អាចនឹងត្រូវធ្វើការតាមដានស៊ើបអង្កេតឡើងវិញ ស្របពេលដែលការចោទប្រកាន់អាចនឹងកើតមាន នេះបើយោងតាម សេចក្តីថ្លែងការ ពីនាយកដ្ឋានក្រុមមន្ត្រីប៉ូលីសប្រចាំរដ្ឋ New Orleans ។
បើតាមប្រភពសារព័ត៌មានដដែលបញ្ជាក់បន្ថែមថា ស្រ្តីជាម្តាយ បានចាក់សោរ និងទុកកូនស្រីខ្លួនចោលនៅផ្ទះម្នាក់ឯង ដោយចាកចេញទៅផ្សារទំនើប លុះមកដល់វិញ នាងពិតជាមានភាពភ្ញាក់ផ្អើលខ្លាំងណាស់ បន្ទាប់ពីបានដឹងឭរឿងមួយនេះ។
យ៉ាងណាមិញ បើទោះជាមានការខិតខំប្រឺងប្រែងក្នុងការជួយសង្គ្រោះក្មេងតូច ដោយបានបញ្ជូនទៅកាន់មន្ទីរពេទ្យ តែអ្វីៗវាហួសពេលទៅហើយ ក្ មេងស្រីតូចនោះ ក៏បានស្លាប់បាត់បង់ជីវិត នៅឯមន្ទីរពេទ្យតែម្តង។
ក្រុមមន្រ្តីប៉ូលីស បានរកឃើញកាំភ្លើងដៃម៉្យាង (38-caliber revolver) នៅកន្លែងកើតហេតុ។ ដោយឡែក ស្រ្តីជាម្តាយ ត្រូវរងការចោទប្រកាន់ពីបទ ការធ្វេសប្រហែសនិងសម្លាប់កូនស្រីដោយអចេនា ដោយត្រូវរងការផ្តន្ទាទោស ទៅតាមផ្លូវច្បាប់របស់ប្រទេសនេះ៕
ដោយ ៖ រិទ្ធីប្រភព ៖ CNN