(កាណាដា)៖ នារីវ័យក្មេងអាយុ២០ឆ្នាំម្នាក់ បានបាត់បង់ជីវិត ដោយនឹកស្មានមិនដល់ បន្ទាប់ពីនាងរំជើងរំជួល ដោយការថើបជាមួយមិត្តប្រុស ដែលទើបនឹងបរិភោគ នំសាំងវិចសណ្តែកដីរួច បណ្តាលនាងប្រតិកម្ម ដែលស្ទើរតែមិនគួរឲ្យជឿ។
នាង Myriam Ducre-Lemay មិនដែលប្រាប់មិត្តប្រុសថា នាងអាលែកហ្ស៊ី ជាមួយសណ្តែកដីទេ ស្រាប់តែថ្ងៃដែលនាង និងមិត្តប្រុសថើបជញ្ជក់មាត់គ្នា យ៉ាងស្អិតរមួតនោះ ក៏កើតអាការៈប្រតិកម្មមួយរំពេច បណ្តាលឲ្យ Ducre-Lemay ប្រកាច់រហូតដល់ដួលសន្លប់ ហើយនាងក៏មិនបាន ដាក់ថ្នាំតាមខ្លួនដែរ ទើបបណ្តាលឲ្យបាត់បង់ជីវិតយ៉ាង អណោចអធ័ម ក្រោយពេលបញ្ជូនមកដល់មន្ទីរពេទ្យ បានបន្តិច។
ក្រុមគ្រួសារ និងមិត្តភក្តិនារីរងគ្រោះ មានការសោកស្តាយខ្លាំងណាស់ ចំពោះការបាត់បង់ Ducre-Lemay ដែលវាជារឿងមួយសឹងតែ មិនគួរឲ្យពួកគេជឿថា នាងត្រូវស្លាប់ ព្រោះតែប្រតិកម្មសណ្តែកដី ដោយគ្រាន់តែការថើបជាមួយមិត្តប្រុស បែបនេះឡើយ៕
ផ្តល់សិទ្ធដោយ ៖ ខ្មែរថកឃីង