ព័ត៌មានអន្តរជាតិ ៖ កាលពីប៉ុន្មានថ្ងៃកន្លងទៅនេះ ប្រជាជនលើពិភពលោក ក៏ដូចជា គ្រប់បណ្តាញផ្សព្វផ្សាយទាំងអស់ មានការចាប់អារម្មណ៍មែនទែន ទាក់ទិនទៅនឹងការបោះឆ្នោតជ្រើសរើសប្រធានាធិបតីរបស់ប្រទេសមហាអំណាចលើលោក ដែលនៅក្នុងនោះមានបេក្ខភាពពីររូប បានមានការប្រកួតប្រជែងគ្នាយ៉ាងស្វិតស្វាញជាទីបំផុត ខណៈពេលដែលសម្លេងឆ្នោតមានភាពប្រកៀកប្រកិតគ្នាផងដែរ ។
លោក អូបាម៉ា និងក្រុមគ្រួសារ វិលដល់ សេតវិមាន ក្រោយពីបានយកជ័យជំនះលើការបោះ ឆ្នោត ដោយបានផ្តួលលោក មីត រ៉ូមនី មកពីគណបក្សសាធារណរដ្ឋ
គួររំឭកផងដែរថា បេក្ខភាពដែលមានការប្រកួតប្រជែងដ៏ស្វិតស្វាញនោះ រួមមានលោក បារ៉ាកអូបាម៉ា មកពីគណបក្សប្រជាធិបតេយ្យ និងលោក មីត រ៉ូមនី មកពីគណបក្សសាធារណរដ្ឋ។ តែជាលទ្ធផល លោក មីត រ៉ូមនី មកពីគណបក្សសាធារណរដ្ឋ ក៏ដូចជាអតីតអភិបាលរដ្ឋនោះ មិនអាចយកជ័យជំនះពីលោក បារ៉ាក់ អូបាម៉ា បាននោះទេ ស្របពេលដែល លោក អូបាម៉ា ទទួលបានជិត ៣០០ សំឡេងឯណោះ រីឯលោក រ៉ូមនី ទទួលបានត្រឹមតែ ២០១ សំឡេង ខណៈលក្ខខណ្ឌបោះឆ្នោត អ្នកឈ្នះត្រូវការតែ ២៧០ សំឡេងប៉ុណ្ណោះ ។
លើសពីនេះទៅទៀត បើយើងងាកក្រឡេកទៅមើលទំព័រសារព័ត៌មានបរទេស ដេលីម៉ែលវិញ គេបែរជាឃើញមាននូវ List ដែលបានបញ្ជាក់អោយដឹងពីភាគរយ គាំទ្រដល់បេក្ខភាពប្រធានាធិបតីទាំងពីររូបនេះ ពីសំណាក់ក្រុមមនុស្សគ្រប់ស្រទាប់វណ្ណៈ មានតាំងពីពួកស្បែកស និងពួក ស្បែកខ្មៅ ។ គួររំឭកផងដែរថា List ដែលបានបង្ហាញពីភាគរយនៃការគាំទ្រ អាចធ្វើទៅបានក្រោយពីមានការបោះឆ្នោតរួចជាស្ថាពរ ទូទាំងប្រទេស។ ដើម្បីអោយជ្រាបកាន់តែច្បាស់ថាតើ លោក អូបាម៉ា ជាប់ឆ្នោតលើកនេះ ដោយសារមានអ្នកគាំទ្រមកពីមជ្ឈដ្នានណាខ្លះ ទស្សនា List ខាងក្រោមនេះ បន្តិចទៅ ៖
ដោយ ៖ រិទ្ធីប្រភព ៖ ដេលីម៉ែល