គ្រោះថ្នាក់បះសក់ ៖ បើតាមការអោយដឹងពីគេហទំព័រសារព័ត៌មានបរទេស បានចេញដែលបានចេញផ្សាយកាលពីម្សិលមិញនេះ បានបញ្ជាក់អោយដឹងថា យុវវ័យ វ័យ ១៧ ឆ្នាំម្នាក់ត្រូវបានអោយស្គាល់ថា គេពិតជាមានសំណាងមូយក្នុងចំណោមមួយពាន់គ្រោះថ្នាក់ ស្របពេលដែលគេត្រូវបានពស់ដែលមានពិសខ្លាំងបំផុតលើលោកខាំ តែមិនស្លាប់។
ប្រភេទពស់ម៉្យាង ដែលត្រូវបានអោយដឹងថា មានពិសខ្លាំងបំផុតលើលោក
លើសពីនេះទៀត របាយការណ៍ដដែលក៏បានបញ្ជាក់បន្ថែមអោយដឹងផងដែរថា គ្រាន់តែពិសរបស់វាមូយអាចសម្លាប់មនុស្សពេញវ័យ បានដល់ទៅជិត ១០០ នាក់ឯណោះ ដោយឡែកនាពេលនេះ គេបែរជាឃើញថា យុវវ័យ ១៧ បែរជារស់រានមានជីវិតទៅវិញ បន្ទាប់ពីត្រូវបានវាខាំ។
គួរបញ្ជាក់ផងដែរថា មកទល់នឹងពេលនេះ បើនិយាយពីអត្តសញ្ញាណរបស់យុវវ័យ ១៧ ឆ្នាំរូបនោះមិនទាន់ត្រូវបានបញ្ជាក់អោយដឹងនោះទេ គ្រាន់តែបានដឹងថា រឿងឧបទ្ទេវហេតុមួយនេះបានកើតឡើងនៅឯ Kurri Kurr ភាគខាងជើងទីក្រុងស៊ីដនី ប្រទេសអូស្រ្តាលី កាលពីរសៀលថ្ងៃពុធ។
ទន្តឺមនឹងការសំរាកព្យាបាលនៅឯមន្ទីរពេទ្យ Mater hospital ក៏មានការបញ្ជាក់អះអាងពីវេជ្ជបណ្ឌិត Geoff Isbister ដែលបានព្យាបាលដោយផ្ទាល់ទៅនឹងយុវវ័យ វ័យ ១៧ ឆ្នាំរូបនេះ ដោយបាននិយាយបញ្ជាក់ថា គេពិតជាមានសំណាងខ្លាំងណាស់ ខណៈពេលដែលគេបានមកដល់មន្ទីរពេទ្យ បានទាន់ពេលវេលា ស្របពេលដែលក្រុមវេជ្ជបណ្ឌិតបានប្រឹងប្រែងអោយអស់ពីលទ្ធភាពក្នុងការជួយសង្គ្រោះរូបគេ៕