ពីមនុស្សស្រីមិនស្អាត បងប្អូនស្រីភ្លោះពីរនាក់ បានក្លាយជាស្រីស្អាតគួរទាក់ទាញ បន្ទាប់ពីវះកាត់កែសម្ផស្ស

មនុស្សគ្រប់រូបដែលបានកើតមក ក្នុងពិភពលោកនេះ សុទ្ធតែប្រាថ្នាចង់បាននូវរូបសម្ផស្សស្រស់ស្អាតសង្ហា។ កត្តានេះហើយ ដែលបានជុំរុញឲ្យអ្នកមានលទ្ធភាពមួយចំនួន ដែលសង្កេតឃើញថា ខ្លួនឯងនៅមានកន្លែងខ្វះចន្លោះច្រើន មិនទាន់ស្អាតតាមចិត្តដែលចង់បាន បានសម្រេចចិត្តធ្វើការវះកាត់កែសម្ផស្ស ដែលរឿងកែសម្ផស្សនេះ កំពុងតែទទួលបានការពេញនិយមខ្លាំង សម្រាប់ពេលបច្ចុប្បន្ននេះ ជាពិសេស ក្រុមតារាៗ និងអ្នកមានទ្រព្យធន (មួយចំនួន) តែម្តង។

បច្ចេកទេសកែសម្ផស្ស ក្នុងពេលបច្ចុប្បន្ននេះ មានលក្ខណៈទំនើប និងរីកចំរើនយ៉ាងខ្លាំង។ ពោលគឺស្ទើរតែអាចធ្វើតាមបាន គ្រប់តម្រូវការរបស់អតិថិជន។ វាអាចប្រែក្លាយមនុស្សម្នាក់ ដែលមានសម្រស់មិនស្អាត ទៅណាមកណា មិនមានអ្នកណាចាប់អារម្មណ៍ទាល់តែសោះ ទៅជាមនុស្សម្នាក់ដែលមានរូបសម្រស់ស្រស់ផូរផង់ គួរឲ្យភ្ញាក់ផ្អើល ដែលជាទីគយគន់ រាល់អ្នកផងទាំងពួង។

តួយ៉ាង ជាក់ស្តែង សម្រាប់ទស្សនិកជន នៃកម្មវិធីនៅបរទេសមួយដែលមានឈ្មោះថា Let's Beauty បានមានការភ្ញាក់ផ្អើលយ៉ាងខ្លាំង នៅចំពោះមុខនៃការផ្លាស់ប្តូរ ៣៦០ ដឺក្រេ ស្តីពីរូបសម្ផស្សរបស់បងប្អូនស្រីភ្លោះពីរនាក់ បន្ទាប់ពីពួកគេទាំងពីរ បានធ្វើការវះកាត់កែសម្ផស្សមក។

សូមទស្សនារូបសម្ផស្ស មុន និងក្រោយ របស់បងប្អូនស្រីភ្លោះ ពីរនាក់ខាងក្រោមនេះ ទាំងអស់គ្នា៖