គេហទំព័រ MacRumors ទើបតែទទួលបានរូបភាពថតមួយសន្លឹក ដែលត្រូវបានគេឲ្យដឹងថា ជារូបរាង ម៉ូដែលរបស់ iPhone 7។ អ្វីដែលងាយស្រួលមើលឃើញបំផុត នៅលើម៉ូដែលនេះ គឺបណ្តាខ្សែជ័រអង់តែងកាត់ទទឹងនៅផ្នែកខាងក្រោយ គឺបានលុបបំពាត់ចោល គឺនៅមានតែបន្តិចនៅជ្រុងខាងលើ និងខាងក្រោមនៃឧបករណ៍ប៉ុណ្ណោះ។
រូបរាងរបស់វា គឺដូចច្រើនជាមួយនឹងបណ្តារូបភាពចចាមអារ៉ាម ដែលធ្លាប់លេចចេញកាលពីពេលមុនៗ។ មិនតែប៉ុណ្ណោះ ផ្នែកខាងក្រោម នៃផ្នែកខាងក្រោយស្មាតហ្វូន មានចំនុចបី ដែលដូចជារន្ធ Smart Connector របស់ iPad ហើយកត្តានេះយើងក៏ធ្លាប់បានឮព័ត៌មាននេះផងដែរ។
ជាចុងក្រោយ ស្មាតហ្វូននេះ ដូចជាមិនមានរន្ធដោតកាសស្តាប់តន្រ្តីប្រភេទ 3,5mm ដោយជំនួសនូវការប្រើប្រាស់ Bluetooth ឬរន្ធ Lightning ដើម្បីធ្វើតំណភ្ជាប់។ ជាក់ស្តែង នេះគ្រាន់តែជាព័ត៌មាន ចចាមអារ៉ាមប៉ុណ្ណោះ ពោលមិនទាន់ជាផ្លូវការអ្វីនោះទេ។ ទន្ទឹមនឹងនេះ ថែមទាំងមានប្រភពបាននិយាយថា iPhone 7 នឹងបំពាក់កាមេរ៉ាក្រោយដល់ទៅពីរ ប៉ុន្តែនៅក្នុងរូប បែរជាមានតែមួយប៉ុណ្ណោះ។iPhone 7 អាចនឹងបង្ហាញខ្លួន នៅក្នុងខែកញ្ញា ឆ្នាំនេះហើយ៕
- អានអត្ថបទ៖ Creative ចង់ហាមឃាត់ BlackBerry, HTC, LG, Lenovo/Motorola, Samsung, Sony និង ZTE លក់ទូរស័ព្ទនៅអាមេរិច
ប្រែសម្រួល៖ មង្គលប្រភព៖ MacRumors, Tinhte